Ochan ta banti te bintik yichʼoje

Ochan ta banti bintik jujunchajp yichʼoje

sTestigotak te Jehová

tseltal

Jnopjunetik yuʼun universidad la yulaʼtayik te Betel yuʼun te stestigotak Jehová te ay ta México

Jnopjunetik yuʼun universidad la yulaʼtayik te Betel yuʼun te stestigotak Jehová te ay ta México

Ay chaʼoxtul jnopjunetik yuʼun universidad te la yulaʼtayik te ofisinaetik sok te imprenta yuʼun te stestigotak Jehová te ay ta México, ta swenta te bitʼil ulaʼtaywanike, la yalik ta periodiko yuʼunik te koltayotiklaj ta «slokʼesel ta yoʼtanik te spʼajel yantike».

Akʼa kiltik chaʼoxchajpuk te bin yan-nax la yilike:

  • «Yan-nax la kilkotik-a te bitʼil kʼax lek stalelik jich bitʼil te ya yichʼ sbaik ta mukʼ, leknax ya yil sbaik, maʼyuk jtuluk te mukʼxan skʼoplal yuʼunike sok maʼyuk kʼaʼpal tey-a.»

  • «Te bitʼil yakʼoj sbaik ta abatinel te ants winiketike la yakʼbonkotik jnopkotik te ya xjuʼ x-aʼtejonkotik sok yantike.»

  • «La kilkotik te ya yoʼtanin spasel yaʼtelike sok kʼax tseʼelnax yoʼtanik.»

  • «Yan-nax la kilkotik-a te bitʼil kʼax lek chajpanbil te bitʼil ya x-aʼtej te banti ya spasik te junetike.»

Te banti escuela talemik te jnopjunetik ini jaʼ te Escuela Nacional de Biblioteconomía y Archivonomía te ay ta México.

Kʼaxem ta 100 ta pam nasionetik sok lumetik te banti ya xjuʼ ya yakʼbatik awil te ofisinaetik sok te imprenta yuʼunik te stestigotak Jehová. Teme ya akʼan ya awikʼ tal te jnopjunetik awuʼune, ya xjuʼ ya anaʼbeyxan skʼoplal te jayeb ora ya xjuʼ x-ulaʼtaywanate o ta direccionetik te banti ya yal «Ta swenta jkʼoplaltik» sok te banti ya yal «Yulaʼtayel beteletik». Sok sbujtsʼ-oʼtanil ya yichʼ maliyel machʼauk ants winikil, manchukme stukel ya xtal o tsobolik.

 

Naʼbeyaxan skʼoplal

¿MACHʼATIK YA SPASIK TE SKʼANOJEL YOʼTAN TE JEHOVÁ TA KʼAJKʼAL INI?

¿Bin-a te Betele?

Jaʼnax ta Betel te banti ya yichʼ pasel te bintik kʼax bayal skʼoplale, maʼyuk yan. Nopaxan ta swenta te machʼatik ya x-aʼtejik tey-ae.