Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

Snail sakʼojibal pakʼ te banti ya sakʼik kʼunil pakʼetik yuʼun kosina sok korbataetik te pasbil ta seda

Snail sakʼojibal pakʼ te banti ya sakʼik kʼunil pakʼetik yuʼun kosina sok korbataetik te pasbil ta seda

Jtsojb jchʼiel antsetik sok winiketik te yakik ta aʼtel ta Betel yuʼun Estados Unidos yuʼun stestigotak Jehová sok spisil yoʼtan yakʼoj sbaik ta sakʼel 1,800 tonelada kʼuʼul pakʼal ta jujun jaʼbil, tey smakoj-a te mukʼul na yuʼun Brooklyn, Patterson sok ta Wallkill (Nueva York). Jaʼukmeto te bin yan-nax ta ilel ya spasik liʼ ini, jaʼ te bitʼil bayal ta chajp kʼuʼul pakʼal ya yichʼ sakʼele ma jaʼuk te bayal ya yichʼ sakʼele.

Te machʼatik ayik ta nainel ta Betel yuʼun Estados Unidos ta jujun kʼajkʼal ya stikunik bael kʼaxem ta 11,000 ta lijkʼ kʼuʼul ta snail sakʼojibal pakʼ, tey ajtaybil-a te 2,300 kamisaetik, 650 wexaletik sok bayal ta lijkʼ kamisetaetik, kalsetinetik sok yantikxan. Jaʼnix jich ya stikunik 900 ta lijkʼ kʼuʼul te ya yichʼ sakʼel ta tintorería.

Jaʼnix jich ya xkʼot ta akʼel bayal sabanaetik, toayaetik sok mantaetik, jichnix bitʼil te kʼuʼul pakʼetik ya stuuntesik te machʼatik ya skʼasesik weʼelil sok te kʼunil pakʼetik ta swenta kosina. Spisil ya yichʼ sakʼel, takijtesel sok ya yichʼ akʼel. Te kʼunil pakʼetik ta swenta kosinae jun-nax ya yichʼ sakʼel ta sbusulbus, jaʼukmeto ayxan pakʼetik te kʼax kʼunike, jich bitʼil te blusaetik sok korbataetik te pasbil ta seda ya yichʼ sakʼel jujunlijkʼ ta tintorería.

Te machʼatik ya x-aʼtejik tey-ae ta jujunlijkʼ ya yilik teme maʼyuk chʼiʼem sok teme maʼyuk tuchʼem te sbotonil te kʼuʼuletike. Teme ay tuchʼem te sbotonile ya xjuʼ ya yichʼ tsʼisel ta makina te stukelnax ya spase o ya stsʼisik ta skʼabik. Jaʼnix jich teme ay ya skʼan chajpanele ya yichʼ akʼbeyel te machʼa ya snaʼ lek tsʼismajele.

Swenta ya yichʼ naʼel machʼa yajwal te kʼuʼul pakʼal te bitʼil ay bayal ta mil te ya yichʼ sakʼele, ay jun makina te ya spakʼbey tut etiqueta te yichʼoj código de barras te maʼyuk yan pajal soke. Te código de barras ya xkoltaywan ta sxatel ta schajpalchajp te kʼuʼul pakʼale yuʼun jich ya xjuʼ ta akʼel ta skuarto te yajwal kʼuʼul te kʼalal sakʼbilix sok te kʼalal juxbilix-ae.

Te machʼatik pʼijubenikix ta lek ta swenta te aʼtelile, jaʼ ay ta swentaik spʼijubtesel te machʼatik yachʼiliktoe. Ayniwan ya yichʼ akʼbeyel snop kʼaxem ta veinte ta chajp aʼtelil te machʼa yachʼiliktoe. Ay jun aʼtelil te maba tulan ta pasel yilele, jaʼukmeto ya skʼan bayal tiempo ta nopel, jaʼ ta stupʼel te bin kʼot, o tsʼilaj-a te pakʼe, melel ya skʼan ya snopik yilel ta lek te bin yilel te pakʼe sok bin-utʼil ya xjil te kʼalal ya yichʼ akʼbeyel te spoxile sok te bintik-utʼil ya yichʼ pasele.

Te hermano Tajh sbiile, ayix jun jaʼbil sok olil te yak ta aʼtel ta snail sakʼojibal pakʼ jich la yal te bin yaʼiyel ya yaʼiy sba tey-ae: «Kʼax leknax ya kil jbatik tey-a, kʼax lek ya kaʼiy te ya x-aʼtejon sok hermanoetik te yanyantik bintik kʼaxem tal ta stojolike». Te hermana Shelly, te tey ya x-aʼtej-euk-ae, jich la yal: «Jaʼ mukʼul majtʼanil ya kaʼiy te kʼalal ya xkoltaywanon ta swenta te bin-utʼil maʼyuk yabakul skʼuʼ spakʼik te hermanoetik te ayik ta Betele».