Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

¿Yabal stʼunbeyik te nojptesel yuʼun Jesús te testigoetik yuʼun Jehová?

¿Yabal stʼunbeyik te nojptesel yuʼun Jesús te testigoetik yuʼun Jehová?

Yak, ya jtʼunbeykotik. Ay chaʼoxchajp te bin yuʼun jich ya kalkotike:

  • Ya jpaskotik tulan ta stʼunbeyel te stalel te Jesucristoe soknix te ya jpaskotik ta jkuxlejalkotik te bin la yakʼ jilel ta nopele (1 Pedro 2:21).

  • Ya jchʼuunkotik te bitʼil yichʼoj tulan yaʼtel ta swenta te jkolelkotike, melel «mayuc yan machʼa hich halbil scʼoblal ta stojol ants-winiquetic te ya xhuʼ ya xcolotic yuʼun[e]» (Hechos 4:12).

  • Te kʼalal ochonkotik ta testigo yuʼun Jehová la kichʼkotik jaʼ ta swenta sbiil te Jesuse (Mateo 28:18, 19).

  • Ya jkʼoponkotik Dios ta swenta sbiil te Jesuse (Juan 15:16).

  • Ya jchʼuunkotik te jaʼ jolol yuʼun spisil winiketik te Jesuse (1 Corintios 11:3).

Jaʼukmeto, ay chaʼoxchajp te bin yuʼun maba pajalonkotik sok te machʼatik ya skuy sbaik-euk ta jchʼuunjeletik yuʼun te Jesuse. Te joʼonkotike jchʼuunejkotik te bitʼil ya yal te Biblia te jaʼ snichʼan Dios te Jesuse, ma jaʼuk te tey ochem skʼoplal-a te banti aylaj oxeb dios te junax ayike (Marcos 12:29). Jaʼnix jich maba ya jchʼuunkotik te kuxul ya xjil te chʼulelale sok maba ya jchʼuunkotik te yalaj yal te Biblia te bitʼil te Diose yalaj yakʼbey swokol ta kʼajkʼel te ants winiketik ta sbajtʼel kʼinal soknix maba chajpnax sbiil ya kakʼbeykotik-a te machʼatik ya swentainokotik (Eclesiastés 9:5; Ezequiel 18:4; Mateo 23:8-10).