Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

¿Bin yuʼun ma stuuntesik cruz te kʼalal ya yichʼik ta mukʼ te Diose?

¿Bin yuʼun ma stuuntesik cruz te kʼalal ya yichʼik ta mukʼ te Diose?

Bayal machʼatik ya yalik te cruz te jaʼlaj señail te schʼuunejik Cristo ta swolol Balumilal. Manchukme jchʼuunjelotik yuʼun Cristo te testigootik yuʼun te Jehová maba ya jtuunteskotik te cruz sok maba ya kichʼkotik ta mukʼ. ¿Bin yuʼun?

Ta sbabial, te Biblia maba ya yakʼ ta nopel te laj ta cruz te Jesuse, melel ta jchʼixnax teʼ la yichʼ jijpanel. Soknix ya yichʼ akʼel te mantalil ta stojol te jchʼuunjeletik yuʼun te Cristo: «ahnanic loqʼuel ta stojol schʼuhunel locʼombahetic». Teme ya jtuuntestik te cruz ta yichʼel ta mukʼ te Diose jaʼme schʼuunel jun lokʼomba (1 Corintios 10:14; 1 Juan 5:21).

Ta schebal, jaʼnix te Jesús la yakʼ ta nopel te bin ya yichʼ naʼbeyel sbaik yuʼun te jchʼuunjeletike, melel jich la yal:«Hich ya snaʼic spisil ants-winiquetic te haʼex jnopojelex cuʼun teme talel cʼaxel cʼux yac awaʼiy aba ta awoʼtanique» (Juan 13:34, 35). Ta melel, te bin ya yichʼ naʼbeyel sbaik yuʼun te jchʼuunjeletik yuʼun te Cristoe ma jaʼuk te cruz o yanxan lokʼomba, jaʼ ya yichʼik naʼbeyel sbaik yuʼun te smelelil kʼuxul-oʼtanil ta stojol te spatxujkike.