Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

¿Machʼa la sjach te relijion yuʼun te stestigotak te Jehová?

¿Machʼa la sjach te relijion yuʼun te stestigotak te Jehová?

Te bin-ora chiknaj tal skʼoplal te testigoetik yuʼun te Jehová jaʼ ta slajibal siglo XIX. Ta siglo-abi, te tut jtsojb te machʼatik la snopik te Biblia ta Pensilvania, Estados Unidos, la snop ta yoʼtanik te ya snopik ta lek te bin ya yal te Bibliae. Ta swenta te bin la yilbeyik lek skʼoplal ta Bibliae, la spajbeyik skʼoplal te bintik ya yakʼik ta nopel te yantik relijionetik sok te bin-nix ya yakʼ ta nopel ta smelelil-a te Bibliae. Patil jajchik ta spukbeyel skʼoplal te bintik la snopbeyik skʼoplal. Jajch spukik ta libroetik, ta periodicoetik, sok la yakʼ chiknajukik te revista La Atalaya. Anunciando el Reino de Jehová, te jich ya jnaʼbeytik sba ta ora ini.

Ay tul ta spisil te machʼatik la snopik te Bibliae, jaʼ te Charles Taze Russell. Manchukme jaʼ nail la yakʼ chiknajuk te revista La Atalaya sok jaʼ la swol te nojptesel yuʼun te Biblia ta kʼajkʼal-abi, jaʼukmeto maba ya skʼan ya yal te jaʼ la yakʼ chiknajuk te relijione. Te bin yuʼun jich la spas te Russell sok te yantikxan te machʼatik la snopik te Bibliae, jaʼ te ya yakʼik ta naʼel te nojptesel yuʼun te Jesucristo sok te ya yichʼ tʼunel te bintik la spasik te jnopojeletik yuʼun sbabial siglo. Jich bitʼil te jaʼ jtʼunojbeykotik te nojptesel yuʼun te Jesuse, jaʼ yuʼun kʼoem ta koʼtantik te jaʼ la sjach jilel te relijion kuʼunkotike (Colosenses 1:18-20).