Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

¿Bin-utʼil ya yakʼik te nojptesel yuʼun Biblia te testigoetik yuʼun Jehová?

¿Bin-utʼil ya yakʼik te nojptesel yuʼun Biblia te testigoetik yuʼun Jehová?

Te nojptesel yuʼun Biblia te ya japkotik te testigoonkotik yuʼun Jehová ya kakʼbeykotik sujtib bayal jojkʼoyeletik. Jichik bitʼil ini:

  • ¿Machʼa-a te Diose?

  • ¿Aybal jkʼoplaltik ta yoʼtan te Diose?

  • ¿Bin-utʼil ya xjuʼ ya kakʼbey yip te nujpunel kuʼune?

  • ¿Bin-utʼil ta tael te tseʼel-oʼtanile?

Ta ora ini ya kakʼbeytik sujtib te jojkʼoyeletik te bayal ya yichʼ pasel ta swenta te bin-utʼil ya kakʼkotik te nojptesel yuʼun te Bibliae.

¿Bin-utʼil te nojptesel yuʼun Biblia te ya kakʼkotike? Ya yichʼ nopel ta jujun tema. Jich bitʼil teme ya jnopbeytik skʼoplal ta swenta te taleliletik yuʼun te Diose o ta swenta te tseʼel-oʼtanil ta nujpunele, ya jkʼopontik textoetik te snitojbey sba skʼoplal sok-abi. Te kʼalal ya jpajbeytik skʼoplal te versiculoetike tey ya kiltik-a te bin ya yal te Biblia ta swenta-abi, teme ay bin ma xkʼot ta koʼtantike, jaʼnix te Biblia ya yakʼbotik jnaʼtik te bin ya skʼan ya yale.

Te kʼalal ya kakʼkotik te nojptesele jaʼ ya jtuunteskotik te libro, ¿Bin ya yakʼ ta nopel ta smelelil te Bibliae?, melel jaʼ bayal ya xtuun kuʼunkotik. Te libro-abi jamal ya scholbey skʼoplal te bin ya yal te Biblia ta swenta te Diose, te Jesús, te bin ya xkʼot ta pasel ta pajel chaʼbej sok yantikxan tema.

¿Jayeb stojol te nojptesel yuʼun Bibliae? Maba tojbil sok maba ya jkʼanbeykotik stojol te junetik te ya jtuunteskotike.

¿Jayeb tiempo ya xjalaj te nojptesel yuʼun Bibliae? Ta jujun semana ay bayal machʼatik ya snopik ta jun hora o kʼaxem-a. Jaʼukmeto ma spisiluk-ora jich. Jaʼ chikan te jayeb tiempo ya xjuʼ awuʼune.

¿Bin-utʼil ya kichʼ koltayel teme ya jkʼan nojptesel yuʼun te Bibliae? Jtul testigo yuʼun Jehová yame yulaʼtayat sok te banti ya akʼan swenta ya yakʼbat awil te bin utʼil te nojptesel yuʼun te Bibliae. Teme la amulane sok teme ya akʼan ya anopxane te Testigo yuʼun Jehová yame xjuʼ ya schaʼyulaʼtayat.

Teme la jchʼuun te nojptesel yuʼun te Bibliae, ¿yuʼunbal ya x-ochon te testigo yuʼun Jehová? Maʼuk. Te testigoonkotik yuʼun Jehová ya yakʼbonkotik bayal sbujtsʼ koʼtankotik ta snojptesel te ants winiketik ta swenta te Bibliae sok maba ya jsujkotik yuʼun ya x-ochik ta jrelijionkotik. Te bin ya jpaskotike jaʼ te sok yutsil koʼtankotik ya kakʼbeykotik yilik te bin ya yal te Bibliae sok ay ta koʼtantik te jaʼiknix ya staik ta nopel te bin ya skʼan ya schʼuunik ta jujuntule (1 Pedro 3:15).

 

Naʼbeyaxan skʼoplal

¿Bin yuʼun ya skʼan ya jnoptik te Bibliae?

Te Biblia skoltayoj bayal millón ta jtul ants winiketik ta snaʼbeyel sujtib te jojkʼoyeletik te tulanik skʼoplale. ¿Yabal akʼan ya anaʼbey te sujtib euke?

¿Bin utʼil ya yichʼ akʼel te nojptesel yuʼun te Bibliae?

Ta swolol Balumilal naʼbil sba te testigoetik yuʼun Jehová ta swenta te nojptesel yuʼun Biblia te ya yakʼik te maba tojbile. Ilawil te bin utʼil ya yichʼ pasele.

Kʼana nojptesel yuʼun Biblia te ma tojbile

Kʼana nojptesel yuʼun Biblia te ma tojbil jaʼ chikan te bin ora sok te banti ya akʼane.