Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

¿Yabal scholik skʼop Dios ta nanatik yuʼun ya staik te skolelike?

¿Yabal scholik skʼop Dios ta nanatik yuʼun ya staik te skolelike?

Maʼuk. Te joʼonkotike jnaʼojkotik te maba jaʼnax ya jta jkoleltik yuʼun-a te ya jcholkotik te skʼop Dios ta nanatike (Efesios 2:8). ¿Bin yuʼun?

Akʼa jnoptik kaʼiytik teme ay jtul winik te lek yoʼtan te ya yakʼbey lekil majtʼanil spisil te machʼa ya xkʼot ta jun lugar sok te bin ajtalil ya yalbey skʼoplale. Teme ya yalbotik kaʼiytik te winik ini te yuʼunix ya skʼotes ta pasel-a te bin ya yale, ¿mabal jichuk te ya xkʼootik tey-a te banti la yalbey skʼoplale? Ma jaʼuknax-abi, melel ya kalbeytik yaʼiy te jfamiliatik sok te kamigotaktik yuʼun ya staik-euk te majtʼanile. Jaʼukmeto maʼyuk machʼa te ya yichʼ majtʼantesel ta skaj te la schʼuun te bin la yal te winike, melel ma xjuʼ kuʼuntik spasel ganar te majtʼanile.

Jaʼnix Jichonkotik-euk, jaʼ smukʼulinej koʼtankotik te Dios te ya skʼotes ta pasel te bin yaloj te ya yakʼbey skuxlejal sbajtʼel kʼinal spisil te machʼatik ya schʼuunbeyik te smantale (Romanos 6:23). Sok ya jkʼantik te staik-euk te yantik ants winiketik te kuxlejalil ini, jaʼ yuʼun ya jpaskotik tulan ta scholel te skʼop Diose. Jaʼukmeto jnaʼojkotik te maba jaʼ ta swenta te ya jta jkolelkotik yuʼun-abi (Romanos 1:17; 3:28). Ta melel, maʼyuk bin ya xjuʼ ta pasel yuʼun jich ya jtatik te mukʼul majtʼanil yuʼun te Diose. Jaʼnix te Biblia jich ya yal: «La scoltayotic, ma haʼuc yuʼun te lec caʼtel jpasojtic, ha nax ta scuenta scʼuxul yoʼtan» (Tito 3:5).