Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

¿Bin-a te Jtsojb Jwolwanejetik yuʼun te stestigotak Jehovae?

¿Bin-a te Jtsojb Jwolwanejetik yuʼun te stestigotak Jehovae?

Te Jtsojb Jwolwanejetik jaʼ tut jtsojb jchʼuunjeletik yuʼun Cristo te tulan schʼuunel yoʼtanike sok jaʼ ya yilik te organisasion yuʼun te stestigotak Jehová ta swolol Balumilal. Ay chaʼchajp te yaʼtele:

  • Ya yilik te bitʼil ya yichʼ chajpanel te bintik ya yichʼ lokʼesel ta junetik sok yantik te bintik lokʼem ta Biblia sok te bintik ya yichʼ ilel ta tsoblejetik soknix te pʼijubtesel te ya yichʼik te stestigotak Jehovae (Lucas 12:42).

  • Ya yilik te aʼtelil ya spasik te stestigotak Jehová. Jaʼ-abi, jaʼ te ya yil te bitʼil yak ta cholel te skʼop Diose, te bitʼil ya yichʼ tuuntesel te bintik ya yichʼ akʼel ta majtʼanile soknix te yakʼtiklanbeyel yichʼ yaʼtelik hermanoetik te ya yakʼik ta ilel lekil talelil ta swenta te bintik ya yichʼ akʼbeyel spasike.

Te Jtsojb Jwolwanejetik jaʼ ya skʼayinbeyik stalel te «jpuc-cʼopetic soc te ancianohetic» ta Jerusalén ta sbabial siglo. Jaʼik te machʼatik la staik ta nopel te bin bayal skʼoplal ta swenta spisil te kongregasion yuʼun te jchʼuunjeletike (Hechos 15:2). Te machʼatik ochemik ta Jtsojb Jwolwanejetike ma jaʼuk ya xmantalajik ta organisasion kuʼunkotik, jichnix bitʼil ma jichuk la spasik te winiketik ta namey kʼinal te jun yoʼtanik ta stojol Diose. Te winiketik ini spisil-ora ya sleik koltayel ta Biblia ta swenta te bin ya spasike sok snaʼojik ta lek te jaʼ Jehová yakʼoj ta Jolol yuʼun kongregasion te Jesucristoe (1 Corintios 11:3; Efesios 5:23).

¿Machʼatik ochemik ta Jtsojb Jwolwanejetik ta kʼajkʼal ini?

Ta enero yuʼun 2015, te machʼatik ochemik ta Jtsojb Jwolwanejetike jaʼik te hermano Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson sok te David Splane. Ta spisilik ayik ta aʼtel ta banti ya yichʼ ilel te aʼtelil kuʼunkotik ta Brooklyn (Nueva York).

¿Bin-utʼil chajpanbil te Jtsojb Jwolwanejetike?

Te Jtsojb Jwolwanejetik schajpanoj sbaik ta wakchajp komite te ya yilik yanyantik te aʼtelil kuʼunkotike. Ay jtul o chaʼtul yakik ta aʼtel ta jujun komite ini.

  • Komite yuʼun Jchajpanwanejetik: Jaʼ ya yil te machʼatik ya schajpanik kʼopetik ta swenta legal, sok te kʼalal ay ya xkʼax wokolil te bayal bintik ya sjin jilele, wokolil te oranax ya staik te stestigotak Jehová sok te kʼalal ay ya staik utsʼinel ta swenta te spasbeyel yaʼtel te Diose.

  • Komite yuʼun J-aʼteletik: Jaʼ ya yil spisil te jayeb machʼatik ya x-aʼtejik ta familia Betel o te jayeb machʼatik ya x-aʼtejik ta sucursal yuʼun te stestigotak Jehová.

  • Komite yuʼun Junetik: Jaʼ ya yil te aʼtelil swenta spasel imprimir junetik, stikunel junetik te lokʼem ta Biblia, spasel sNail Tsoblejetik, ofisinaetik yuʼun skʼasesel yan kʼopiletik sok sucursaletik.

  • Komite yuʼun Scholel skʼop Dios: Jaʼ ya yil te aʼtelil yuʼun scholel te «lec yachʼil cʼop yuʼun te cuentahinel yuʼun Dios» (Mateo 24:14).

  • Komite yuʼun Pʼijubteswanej: Jaʼ ya schajpan te pʼijubtesel ya yichʼ akʼel ta tsoblejetik, te chaʼoxchajp pʼijubtesel soknix programaetik yuʼun audio sok video.

  • Komite yuʼun Tsʼibajel: Jaʼ ya schajpan te bintik ya yichʼ lokʼesel ta junetik te lokʼem ta Biblia, sok ta pajina kuʼunkotik ta Internet sok ya yil te aʼtelil te ya yichʼ pasel ta swenta skʼasesel yan kʼopiletik.

Ma jaʼuknax ya yilik te aʼtelil ini, melel te machʼatik ochemik ta Jtsojb Jwolwanejetik ya stsob sbaik ta jujun semana ta yilel te bintikxan aʼtelil ya skʼan pasel ta organisasion. Te kʼalal ya stsob sbaike ya yilik ta lek te bin ya yal te Biblia sok ya skʼanik tojobtesel yuʼun te chʼul espiritu yuʼun te Diose. Spisil-ora junax ya staik ta nopel te bintik ya spasike (Hechos 15:25).

Te jkoltaywanejetik yuʼun te Jtsojb Jwolwanejetike

Te jujun komite yuʼun te Jtsojb Jwolwanejetike ya yichʼik koltayel yuʼun j-abatetik yuʼun Dios te jun yoʼtanik, te chapalik ta lek sok te ya snaik yilel ta lek te aʼtelil te banti komite ayike (1 Corintios 4:2). Te jkoltaywanejetik ini ya xkʼotik tey-euk-a te kʼalal ya stsob sbaik te komite ini. Manchukme ma jaʼuk ya yalik te bin ya skʼan pasele, jaʼukmeto ya yalik te bin ya snopik sok ya yakʼik ta naʼel te bintik ya xtuun ta swenta te bintik ya snopik spasele, sok ya schʼuunik spasel te bin la sta ta nopel te komite sok ya yilik te bintik lek ya xkʼot ta lokʼel ta swenta te bin la snopik spasele. Te Jtsojb Jwolwanejetike yame xjuʼ ya stikun ta yulaʼtayel te Testigoetik te ayik ta yantik nasion o ta yakʼel discurso ta programaetik te mukʼik skʼoplal, jich bitʼil tsoblejetik yuʼun jujun jaʼbil o ta graduación yuʼun te Pʼijubtesel ta Galaad.

SBIIL TE JKOLTAYWANEJETIKE

Komite

Sbiilik

Jchajpanwanejetik:

  • John Ekrann

  • Robert Wallen

 

J-aʼteletik

  • Daniel Molchan

  • Gerald Grizzle

  • Patrick LaFranca

  • Ralph Walls

 

Junetik

  • Alex Reinmueller

  • David Sinclair

  • Don Adams

  • Donald Gordon

  • Harold Corkern

  • Robert Butler

  • Robert Luccioni

 

Scholel skʼop Dios

  • Baltasar Perla Jr.

  • Christopher Mavor

  • Gary Breaux

  • Joel Dellinger

  • Leon Weaver Jr.

  • Robert Wallen

  • Seth Hyatt

  • William Turner Jr.

 

Pʼijubteswanej

  • David Schafer

  • Kenneth Flodin

  • Mark Noumair

  • Ronald Curzan

  • William Malenfant

 

Tsʼibajel

  • Gene Smalley

  • Izak Marais

  • James Mantz

  • John Wischuk

  • Robert Ciranko

 

Naʼbeyaxan skʼoplal

¿Bin yuʼun ya skʼan chajpambil ta lek te bitʼil ya x-aʼtej te j-abatetik yuʼun te Diose?

Te Biblia ya yalbotik te bin utʼil sok te bin yuʼun te chajpambil ta lek te bitʼil ya x-aʼtejik te smelelil jchʼuunjeletike.

¿Bin utʼil ya x-aʼtej te Jtsojb Jwolwanejetike?

Ta sbabial siglo, ay tut jtsojb winiketik te jaʼik te jpuk kʼopetik sok te ancianoetik te la yichʼ yaʼtelik jich bitʼil jtsojb jwolwanejetik, jich kʼopojik ta swenta spisil te machʼatik tsabilik te ya xbajtʼik ta chʼulchane. ¿Bin yak ta kʼoel ta pasel ta ora ini?

¿Yabal yichʼik tojel te jcholkʼopetik yuʼun stestigotak te Jehová?

¿Aybal sacerdoteetik yuʼunik? ¿Machʼatik-a te jcholkʼopetik yuʼunike? ¿Yabal yichʼik tojel?