Ochan ta banti te bintik yichʼoje

Ochan ta banti bintik jujunchajp yichʼoje

sTestigotak te Jehová

tseltal

¿Schʼuunejikbal te stestigotak te Jehová te wakebnax kʼajkʼal la spas Dios te bintik aye?

¿Schʼuunejikbal te stestigotak te Jehová te wakebnax kʼajkʼal la spas Dios te bintik aye?

Maʼuk. Manchukme jchʼuunejkotik te jaʼ la spas Dios spisil te bintik aye, jaʼukmeto maba ya kalkotik te wakebnax kʼajkʼal la spas te Diose. ¿Bin yuʼun? Melel te machʼatik jich schʼuunejike ma jichuk ya yakʼ ta nopel te Bibliae. Akʼa kiltik chaʼchajp swentail.

  1. Te jayeb kʼajkʼal jalaj te wakeb kʼajkʼal. Ay chaʼoxtul ya yalik te machʼatik schʼuunejik te wakebnax kʼajkʼal la spas Dios te bintik aye te jalajlaj 24 hora te jujun kʼajkʼale. Jaʼukmeto te kʼopil kʼajkʼal te ya jtatik ta Biblia yame xjuʼ ya yalbey skʼoplal bayal jaʼbil (Génesis 2:4; Salmo 90:4).

  2. Te jayebix jaʼbil xchiknajel te Balumilale. Yanxan te bintik schʼuunejik te machʼatik ya yalik te wakebnax kʼajkʼal la spas Dios te bintik aye, jaʼ te ya skuyik te aytonax chaʼoxmil jaʼbil xchiknajel te Balumilale. Jaʼukmeto te Biblia ya yal ta swenta ta Balumilal sok te bintik solem kʼaxel ta chʼulchan chiknajemix-a te kʼalal kaj spas Dios te bintik ay ta wakeb kʼajkʼale (Génesis 1:1). Ta swenta-abi te stestigotak te Jehová maba ya skontrain te bintik lek staojik ta nopel te jpʼijil winiketik ta swenta te Balumilal te bitʼil bayalix ta mil millón jaʼbil xchiknajele.

Ta melel, te stestigotak te Jehová schʼuunejik te jaʼ la spas Dios spisil te bintik aye sok maba ya skontrainik te bintik staojik ta nopel te jpʼijil winiketike. Jchʼuunejkotik te bintik ya yakʼ ta nopel te Biblia te snitoj sba sok te bintik staojik ta nopel te jpʼijil winiketike.