Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

¿Banti ya staik takʼin te testigoetik yuʼun Jehová ta swenta te aʼtelil ya spasike?

¿Banti ya staik takʼin te testigoetik yuʼun Jehová ta swenta te aʼtelil ya spasike?

Te takʼin ya jtuuntestik ta swenta te aʼtelil ya jpaskotike, jaʼ te jayeb ya xlokʼ ta koʼtankotik yakʼele. Maʼyuk bin-ora ya xkʼax ta kʼanel takʼin te banti tsoblejetik kuʼunkotike. Jaʼnix jich maʼyuk ya yichʼ kʼanel diezmo (Mateo 10:7, 8). Teme ay machʼa ya xlokʼ ta yoʼtan te ya yakʼ takʼine, ya xjuʼ ya yakʼ ta tut kaja te ayik ta snail tsoblejetik kuʼunkotike. Te machʼatik ya yakʼike maba ya yichʼ albeyel te sbiilike.

Ay chaʼoxchajp te bin yuʼun maba ya jlajinkotik bayal takʼine. Ta sbabial, maʼyuk sacerdoteetik kuʼunkotik te ya jtojtike. Jaʼnix jich maba ya kichʼkotik tojel ta swenta te ya jcholbeykotik skʼop Dios te ants winiketik ta nanatik sok te naetik te banti ya jtsojb jbakotike ma chajpuknax-a te bitʼil pasbilike.

Te takʼin ya yichʼ tikunel bael ta Betel kuʼunkotike ya yichʼ tuuntesel ta swenta yakʼbeyel koltayel te machʼatik ya sta swokolik yuʼun te nojelal jaʼetik o yantikxan wokolil, sok te misioneroetik soknix te superintendenteetik yuʼun circuito, spasel sNail Tsoblejetik ta nacionetik te banti maʼyuk lek stakʼinik, spasel imprimir sok te stikunel bael Bibliaetik soknix yantik junetik te lokʼemik skʼoplal ta Biblia.

Ta jujuntul ya jnopkotik teme ya jkʼan ya kakʼkotik takʼin ta swenta te bintik ya xtuun ta congregación te banti ya jtsob jbakotik o ta swenta te aʼtelil ya yichʼ pasel ta swolol balumilal o ta schebal. Ta spisil te congregacionetik ya yichʼ pasel jun informe ta spisil-ora te ya yakʼ ta ilel te banti la yichʼ lajinel te takʼine swenta ya xjuʼ ya yilik te yajwal congregacione.

Naʼbeyaxan skʼoplal

¿Banti ya staik te takʼin te stestigotak te Jehová ta swenta te yaʼtelike?

Ilawil te bitʼil ya yichʼ akʼel te takʼin ta swolol Balumilal.