Ochan ta banti te bintik yichʼoje

Ochan ta banti bintik jujunchajp yichʼoje

sTestigotak te Jehová

tseltal

Te stestigotak te Jehovae, ¿aybal jcholkʼop antsetik yuʼunik?

Te stestigotak te Jehovae, ¿aybal jcholkʼop antsetik yuʼunik?

Ay. Spisil te stestigotak te Jehová jaʼik jcholkʼopetik, ta jpisilkotik ay bayal millón ta tul antsetik. Yuʼunix jich ya yal-a te Bibliae «tsobol antsetic la spucbeyic ta halel te scʼope» (Salmo 68:11, Antiguo Testamento Tzeltal yuʼun Bachajón).[1]

Te testigo antsetik jaʼ ya skʼayinbeyik stalel te tojil antsetik te ya yalbey skʼoplal ta Biblia (Proverbios 31:10-31). Manchukme maba ya yichʼ yaʼtelik ta congregación jaʼukmeto sok stseʼelil yoʼtanik ya scholik te skʼop Diose, soknix yichʼoj mukʼ yaʼtelik ta snojptesel te yalatakik ta swenta te mantaliletik yuʼun te Diose (Proverbios 1:8). Jaʼnix jich ya spasik tulan ta swenta skʼopik sok stalelik te ya yakʼik ta ilel te bin lek ta stojol te yantike (Tito 2:3-5).