Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

¿Aybal ya x-aʼtejik ta misionero?

¿Aybal ya x-aʼtejik ta misionero?

Ay. Spisil te stestigotak te Jehová chikan te banti nainemik ya spasik te aʼtelil jich bitʼil misionero sok ya spasik tulan ta yakʼel ta naʼel te bin ya yal te Bibliae (Mateo 28:19, 20).

Jaʼnix jich ay chaʼoxtul stestigotak te Jehová te ya xbajtʼik ta scholel skʼop Dios ta yantik lumetik te ay ta slumaliknix, te banti ay ants winiketik te maʼyuk yaʼiyojik te lek yachʼil kʼop te ya yal te Bibliae. Ay yantik te ya xbajtʼik ta yan nación. Ta spisilik-abi ya x-akʼbotik stseʼelil yoʼtanik te bitʼil yakik ta spasel te aʼtelil yuʼun jich ya xkʼot ta pasel-a te bin la yal te Jesús: «Testigo ya xcʼohex cuʼun [...] cʼalal ta stiʼil bahlumilal» (Hechos 1:8).

Ta yaʼbilal 1943, la yichʼ jachel jun pʼijubtesel yuʼun ya yichʼik chajpanel chaʼoxtul misioneroetik te jich sbiil: Pʼijubtesel yuʼun sKʼop Dios ta Galaad yuʼun te Watchtower. Ta kʼajkʼal ini kʼaxemix ta waxak mil ta tul stestigotak te Jehová yichʼojikix te pʼijubtesel ini.

 

Naʼbeyaxan skʼoplal

Kʼalalto ta stiʼil Balumilal

Te Pʼijubtesel yuʼun sKʼop Dios ta Galaad yuʼun te Watchtower ya schajpan ta lek te machʼatik yaʼtelinejik scholel te lek yachʼil kʼop yuʼun te Ajwalinel yuʼun te Diose. Ilawil te bin ya yalik chaʼoxtul misioneroetik ta swenta te pʼijubtesel ini.

Tsʼakajix setenta jaʼbil sjajchel te Pʼijubtesel yuʼun sKʼop Dios ta Galaad

Ta 1 yuʼun febrero ta jaʼbil 1943 jajch te sbabial pʼijubtesel ta escuela yuʼun estado Nueva York. Bayal ta mil jcholkʼop yichʼojik pʼijubtesel yuʼun ya snojptesik yantik ta swenta te Diose.

Te graduación 134 ta swenta te Pʼijubtesel yuʼun sKʼop Dios ta Galaad: «Nopbeyahic te schʼuhunel yoʼtanique»

Ta 9 yuʼun marzo 2013 la yichʼik pasel te graduación 134 yuʼun te Pʼijubtesel te ayix 70 jaʼbil. Kʼopona te discursoe, «Nopbeyahic te schʼuhunel yoʼtanique». Ta tsoblej-abi chiknaj ta ilel te kʼax bayal bin lek lokʼem-a te pʼijubtesel te ayix tal 70 jaʼbile.