Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Te J-ilkʼinal ta toyol (te ya yichʼ nopel)  |  Marzo yuʼun 2016

¿Bin ya yal te Bibliae?

¿Bin ya yal te Bibliae?

¿Machʼa-a o bin-a te Pukuje?

¿YABAL AWAL TE Pukuj jaʼ...

  • ... jun espiritu?

  • ... señail te chopolil ay ta yutil koʼtantike?

  • ... te bin ya jnop ta joltike?

TE BIN YA YAL TE BIBLIAE

Te Pukuj kʼopoj sok te Jesús sok la yilbey yoʼtan yuʼun jich ya skʼaxuntay mantal (Mateo 4:1-4). Jich yuʼun, ma jaʼuk te ay bin ya jnoptik ta joltike sok ma jaʼuk señail te chopolile. Jaʼ te machʼa yuʼun-nix kuxul-a sok kʼax chopol.

¿BIN YA YALXAN TE BIBLIAE?

  • Ya yal te jaʼ jtul lekil chʼul-abat ta sjajchibal te Pukuje, jaʼukmeto «maʼyuc stuul ta yoʼtan te bila smelelile» (Juan 8:44, XCD). Kʼatpʼuj ta jpaslot sok la skontrain te Diose.

  • Ay yantik chʼul-abatetik la sjokinik te Satanás ta skontrainel te Diose (Apocalipsis [Revelación] 12:9).

  • Te Pukuje ya yakʼbey snop te ants winiketik te maʼyuk Diose (2 Corintios 4:4).

¿Swentainejbal ants winiketik te Pukuje?

AY MACHʼATIK YA YALIK te tojol kʼopnaxe, ay yantik ya xiw yoʼtanik yuʼun teme ay och ta yoʼtanik te chopol espirituetike. Jaxan te jaʼate, ¿bin ya anop yuʼun?

TE BIN YA YAL TE BIBLIAE

«Ay ta scʼab pucuj swohlol te bahlumilale» (1 Juan 5:19). Te Pukuje ya xjuʼ ya yakʼbey ta yoʼtan te ants winiketik te bin ya snope, jaʼukmeto ma xjuʼ ya swentain spisil te ants winiketike.

¿BIN YA YALXAN TE BIBLIAE?

  • Ya yal te ya xloʼlaywan swenta ya yakʼxan sba ta ichʼel ta mukʼ (2 Corintios 11:14).

  • Ay baeltik te chopol espirituetik ya xjuʼ swentain te ants winike (Mateo 12:22).

  • Ta swenta te koltayel yuʼun Dios, ya xjuʼ awuʼun skontrainel te Pukuje, jich libre ya xjilat yuʼun (Santiago 4:7).