Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

¿Bin-a te Ajwalinel yuʼun te Diose?

¿Bin-a te Ajwalinel yuʼun te Diose?

Yaniwan awal te...

  • jaʼ te utsilal ta chʼulchane.

  • jaʼ te kʼuxuk ya kaʼiy jbatike.

  • jaʼ te wentainel yuʼun Dios ta chʼulchane.

 TE BIN YA YAL TE BIBLIAE

«Te yorahil te ajwaliletic ini te Dios ta chʼulchan ya me shach jchahp ban cʼalal ya scuentahin jtuhl ajwalil te mayuc bin ora ya xlaj.» (Daniel 2:44, Scʼop Dios Tzeltal.)

«Aʼbilotic jtuhl nichʼanil, ha ya xcʼoht ta stojol te cuentahinwanej.» (Isaías 9:6.)

¿BIN UTʼIL YA SKOLTAYOTIK TA SNAʼBEYEL TE SUJTIB TE JOJKʼOYELE?

  • Jaʼ jun wentainel te toj spisil te bin ya spase, melel ya yakʼbotik koltayel ta jujuntul ta pajel chaʼbej (Isaías 48:17, 18).

  • Nopolme ya xkuxinotik ta yachʼil balumilal te banti ya x-ayin tseʼel oʼtanil soknix te banti maʼyukix chamel (Apocalipsis 21:3, 4).

 ¿YANIXBAL XJUʼ YA JCHʼUUNTIK-A TE BIN YA YAL TE BIBLIAE?

Yak, ay chaʼchajp te bin yuʼune:

  • Te Jesuse la yakʼ ta ilel te bin ya spas te Ajwalinel yuʼun te Diose. Te kʼalal la snojptes te jnopojeletik yuʼun ta skʼoponel te Diose, la yal te akʼa skʼanik te Ajwalinel yuʼun te Diose sok te akʼa yichʼ pasel te skʼanojel yoʼtan liʼ ta Balumilale (Mateo 6:9, 10). Jaʼnix jich la yakʼ ta ilel te bin utʼil ya xkʼot ta pasel te bin ya yichʼ kʼanel ta skʼoponel te Diose.

    Te kʼalal ay ta Balumilal-a te Jesuse, la smakʼlin ants winiketik te ayik ta wiʼnal-ae, la slekubtes jchameletik soknix la schaʼkuxajtes te machʼatik lajemikixe (Mateo 15:29-38; Juan 11:38-44). Jich bitʼil te jaʼ tsabil yuʼun Dios te ya x-och ta Ajwalil te Jesuse, juʼ yuʼun yakʼel ta ilel te bintik kʼax tʼujbil ya xbajtʼ spas ta stojol te machʼatik ya swentaine (Apocalipsis 11:15).

  • Te bintik yak ta kʼoel ta pasel ta Balumilale ya yakʼ ta ilel te nopol ya xjajchix ta wentainwanej te Ajwalinel yuʼun te Diose. Te Jesuse la yalbey jilel skʼoplal te kʼalal nopol ya yakʼix lamal kʼinal ta swolol Balumilal-a te Ajwalinel yuʼun te Diose, yame xnoj ta guerra te Balumilale, yame xtal tulan wiʼnal, sok tulan nijkʼel (Mateo 24:3, 7).

    Yakotikix ta yilel te jich yak ta kʼoel ta pasel spisil ini. Jich yuʼun ya yakʼ smukʼul kʼinal kaʼiytik ta swenta te Ajwalinel yuʼun te Diose, melel nopol ya yakʼbey schajpajibal spisil te wokoliletike.

 JOJKʼOYBEYA ABA

¿Binwan yilel te kuxlejalil te kʼalal yakix ta wentainwanej-a te Ajwalinel yuʼun te Diose?

Yame atabey sujtib ta Biblia ta SALMO 37:29 sok ta ISAÍAS 65:21-23.

Naʼbeyaxan skʼoplal

¿Bin-a te skʼanojel yoʼtan Dios ta swenta te Balumilale?

Te Biblia ya schol te bin yuʼun la spas Balumilal te Diose, sok te bin ora ya xlaj te wokolile, sok bin ya xkʼot ta pasel ta pajel chaʼbej soknix ta swenta te machʼatik ya xkuxinik tey-ae.