Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

Ya xjuʼ ya ata tseʼel oʼtanil sok te afamiliae

 SCHEBAL LECCIÓN

Mame xaloʼlay abaik

Mame xaloʼlay abaik

«Ha yuʼun te bin junax la yacʼ te Diose, ma me ayuc machʼa ya yacʼ te ya sjat sbahic.» (Marcos 10:9)

Te Jehová jich ya yal: «Ya jpʼaj te ya yihquitay sbahic» (Malaquías 2:16). Jaʼ ini kʼax mukʼ skʼoplal jich bitʼil te nujpunemexe, melel teme ya aloʼlay abaike, maʼyuk smukʼul awoʼtanik ta achebalik, te mukʼul oʼtanile kʼax mukʼ skʼoplal yuʼun jich ya xmukʼub te skʼuxul awoʼtanike.

Ta kʼajkʼal ini, ay ta woklajel te machʼatik nujpunemikixe ta skaj te ya sloʼlay sbaike. Swenta maba ya xjin te nujpunel awuʼune, ay cheb te bin ya skʼan ya awakʼ ta awoʼtan spasele.

 1 MUKʼUKME SKʼOPLAL TA AWOʼTAN TE NUJPUNEL AWUʼUNE

TE BIN YA YAL TE BIBLIAE: «Pʼijanic me, ma me hichuquex te bin utʼil machʼatic ma snaʼic qʼuinal» (Efesios 5:15, 16). Ya awakʼ ta ilel te pʼijat te kʼalal mukʼ skʼoplal ta akuxlejal te nujpunel awuʼune. Jaʼ yuʼun, jaʼ lek te ayuk skʼoplal ta awoʼtane.

Te Jehová ya skʼan te jaʼuknax ya amulan te ajoye sok te pajaluk ya amulambeyik yutsil te kuxlejalile (Eclesiastés 9:9). Jamal yaloj te mame xawijkʼitay swentainel te machʼa nujpunemat soke, ya skʼan ya awil bin utʼil ya awakʼbey stseʼelil yoʼtan (1 Corintios 10:24). Te ajoye jichuk ya yaʼiy sba te mukʼ skʼoplal ta awoʼtane sok te ya xtuun awuʼun te koltayel ya yakʼbate.

TE BIN YA XJUʼ YA APASE:

  • Lokʼesbeya stiempoil spisil ora yuʼun ya ajokin aba sok te ajoye, akʼbeya yil te ya awichʼ ta mukʼe

  • Ichʼame ta wenta te ajoye, mame ta atukeluknax

 2 KANANTAYAME TE AWOʼTANE

TE BIN YA YAL TE BIBLIAE: «Machʼayuc a te ya yil ants te ya xbicʼtaj yoʼtan yuʼun, la yantsinix ta yoʼtan abi» (Mateo 5:28). Teme ay machʼa ya snopilan ta yoʼtan spasel mulil, jich kʼoem te yak ta sloʼlayel te sjoye.

Te Jehová ya yal te akʼa jkanantaytik te koʼtantike (Proverbios 4:23; Jeremías 17:9). Jaʼ yuʼun, naʼame stsael te bin ya awile (Mateo 5:29, 30). Nopbeya stalel te Job te jaʼ la schap skʼop sok te sit yuʼun maba ya skʼeluy sok ya xbikʼtaj yoʼtan ta stojol yan ants (Job 31:1). Akʼame ta awoʼtan te maba ya awil te pornografía. Mame xawakʼ te ay machʼa ya xkaj amulan teme maba jaʼ awinam o amamlale.

TE BIN YA XJUʼ YA APASE:

  • Akʼbeya yil te yantik te jaʼnax mukʼ skʼoplal ta awoʼtan te machʼa nujpunemat soke

  • Ichʼbeyame ta wenta te bin yaʼiyel ya yaʼiy sba te ajoye sok ijkʼitayame skʼoponel machʼauk-a te yakat ta kʼayel soke, te maba lek ya yaʼiy sba yuʼun te ajoye