Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

¿Machʼatik ya spasik te skʼanojel yoʼtan te Jehová ta kʼajkʼal ini?

 LECCIÓN 7

¿Bin utʼil ya yichʼ pasel te tsoblejetik kuʼunkotike?

¿Bin utʼil ya yichʼ pasel te tsoblejetik kuʼunkotike?

Nueva Zelanda

Japón

Uganda

Lituania

Te sbabial jchʼuunjeletik yuʼun Cristoe, te bin utʼil la spasik te tsoblejetik yuʼunike jaʼ te bitʼil kʼayojinik, la skʼoponik Dios, la skʼoponik te sJun Diose sok la yalbeyik te bintik swentaile, maʼyuk te bin chajpnax la spasik tey-ae (1 Corintios 14:26). Te kʼalal ya xbaat ta tsoblejetik kuʼunkotike, yame awil te jaʼnix jich ya yichʼ pasel euke.

Yame yichʼ akʼel nojptesel te lokʼem ta Biblia te ya skoltayate. Ta slajibal jujun semana ta spisil te congregacionetike ya stsob sbaik ta yaʼiyel jun discurso te lokʼem ta Biblia te ya xjalaj treinta minuto te banti ya yichʼ cholbeyel skʼoplal te bin utʼil ya xjuʼ ya jpas ta jkuxlejaltik te bin ya yal te Bibliae, soknix ya scholbey skʼoplal te bin yilel te kuxlejalil ta kʼajkʼal ini. Jaʼnix jich ya xjuʼ ya sleik euk te textoetik yuʼun Biblia te machʼatik tey ayik-ae yuʼun jich ya stʼunik bael te bin ya yichʼ kʼoponele. Ta patil ya xjajch te Snopel La Atalaya te ya xjalaj jun ora sok ya yichʼ ikʼel te machʼatik tey ayik-ae yuʼun ya scholbeyik skʼoplal te bin ya yal te revista Te J-ilkʼinal ta toyol te chajpambil yuʼun ya jnoptike. Te revista ini ya yakʼ kiltik te bin utʼil ya xjuʼ ya jpastik ta jkuxlejaltik te tsitsel te ay ta Bibliae. Pajal te bin ya yichʼ nopel ta jujun congregación te kʼaxem ta cien mil te ay ta swolol Balumilale.

Ya schajpanotik yuʼun ya xnojpteswanotik ta lek. Jaʼnix jich ya jtsob jbakotik junuk buelta ta semana yuʼun ya yichʼ pasel te tsoblej Jkuxlejaltik sok Kaʼteltik ta swenta Dios, te oxchajp lokʼem-a te ya xlokʼ ta sjunal kaʼteltik ta swenta tsoblej Jkuxlejaltik sok Kaʼteltik ta swenta Dios. Te sbabial parte yuʼun te tsobleje, Kʼulejalil te ay ta Biblia, jaʼ ini ya skoltayotik ta snopel te bin ya yal jmajkʼuk te Biblia te la jkʼopontikix tal ta jnatike. Te schebale Jnoptik ta lek pʼijubteswanej, ya yichʼ akʼel ta ilel te bin-utʼil ya jnoptik te Biblia sok te ants winiketike. Jtul jtojobteswanej ya yalbotik te banti ya skʼan ya jlekubtestikxan te bin-utʼil ya jkʼopontik te june sok te bitʼil ya skʼan ya xkʼopojotike (1 Timoteo 4:13). Te yoxebale Kakʼtik ta ilel te jchʼuunejtik Diose, tey ya yichʼ nopel-a te bin-utʼil ya xjuʼ ya jpas ta jkuxlejaltik ta jujun kʼajkʼal te bin smelelil ya yal te Bibliae, ay jun parte te banti ya yichʼ tal jojkʼoyeletik sok sujtib yuʼun jich ya jkʼubtestikxan ta koʼtantik te bin ya jnoptik ta Bibliae.

Te kʼalal ya xbaat ta jtsoblejkotike, chajpnaxme ya awil te bitʼil ya yichʼ akʼel te nojptesel te ay ta Bibliae (Isaías 54:13).

  • ¿Bintik ya xbajtʼ achʼam awaʼiy te kʼalal ya xkʼoat ta tsoblejetik yuʼun te stestigotak te Jehovae?

  • ¿Bin tsoblejil yuʼun jujun semana ya akʼan ya xjajchat ta bael?

Naʼbeyaxan skʼoplal

¿Bin ya yichʼ pasel ta tsoblejetik kuʼunkotik?

Baan ilawil te banti ya jtsob jbakotik sok te bin ya jpaskotik tey-ae.

¿Bin-utʼil schajpanojik te stestigotak te Jehová te congregacionetik yuʼunike?

Ilawil te bin-utʼil ya yichʼ akʼbeyel tojobtesel sok nojptesel te jchʼuunjeletik yuʼunike.