Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

¿Machʼatik ya spasik te skʼanojel yoʼtan te Jehová ta kʼajkʼal ini?

 LECCIÓN 4

¿Bin yuʼun te la jpaskotik te Biblia te sbiilinej Traducción del Nuevo Mundo?

¿Bin yuʼun te la jpaskotik te Biblia te sbiilinej Traducción del Nuevo Mundo?

República Democrática del Congo

Ruanda

Xejtʼelul jun yuʼun versión griega yuʼun te Símaco (ta siglo III o IV) te yichʼojbey sbiil te Dios ta Salmo 69:31

Bayal jaʼbil te la jlokʼeskotik ta máquina, la jtuunteskotik sok la jpukotik yantik Bibliaetik. Jaʼukmeto ta patil la kilkotik te bayal skʼoplal te ayuk jpajk Biblia te ya xkʼotxan lek ta yoʼtanik-a «te smelelil-cʼop» te ants winiketike, melel jaʼ jich skʼanojel yoʼtan te Diose (1 Timoteo 2:3, 4). Jaʼ yuʼun ta yaʼbilal 1950 jajch ta lokʼel ta kʼopil inglés ta jujunxojtʼ te Biblia jich bitʼil te ya xkʼopoj te ants winiketik ta kʼajkʼal ini, melel kʼaxemto ta ciento treinta kʼopiletik te kʼax lek sok toj yichʼoj kʼasesel te Traducción del Nuevo Mundo.

La skʼan te ayuk jpajk Biblia te ma wokoluk ya xkʼot ta koʼtantike. Te kʼalal ya xkʼax te kʼajkʼale ya xjelon te kʼopiletike, jich yuʼun bayal ta chajp te Bibliaetik te kʼasesbil ta yantik kʼopiletik ay ya stuuntes kʼopetik te maba chikanukix ta aʼiyele. Jaʼnix jich ay yichʼoj tael junetik te la yichʼ tsʼibayel ta namey kʼinal te bitʼilnix tsʼibaybil ta snailal-a te skʼop Diose, te ya yakʼxan ta naʼel ta lek ta swenta te bin ya skʼan ya yal ta hebreo, ta arameo sok ta griego kʼop te Bibliae.

La skʼan kʼasesel ta lek te bin ya yal te skʼop Diose. Te machʼatik ya skʼasesik ta yantik kʼopiletik te Bibliae ma xjuʼ te ya sjelik te bin la yakʼ ta tsʼibayel te Dios ta swenta schʼul espiritue, ya skʼan te jichnix ya yichʼ kʼasesel te bitʼilnix tsʼibaybil ta snailale. Jaʼnax yuʼun te jteb ma spisiluk te Bibliaetik te maba yichʼoj te sbiil te Diose, te jaʼ te Jehová.

La skʼan te ayuk jpajk Biblia te banti ya x-ichʼot ta mukʼ te machʼa lokʼem ta yoʼtan te bin ya yal te Bibliae (2 Samuel 23:2). Ta Traducción del Nuevo Mundo, jteb ma sta jukmil buelta la yichʼ otsesel tey-a te biilil Jehová, jichnix te bitʼil la yichʼ tsʼibayel ta junetik ta namey kʼinale, jich bitʼil te ya xchiknaj ta ilel ta yeʼtal te paginae (Salmo 83:18). Te Biblia ini mulantik sba ta kʼoponel, melel kʼasesbil ta lek sok chikan ta aʼiyel te bintik ya snop yoʼtan te Diose, ta skaj te la yichʼ ilel ta lek te bin utʼil la yichʼ pasele. Teme ay yichʼoj kʼasesel ta akʼop o teme maʼuke yame kikʼatkotik te yakuk akʼaytes aba ta skʼoponel te Biblia ta jujun kʼajkʼal (Josué 1:8; Salmo 1:2, 3).

  • ¿Bin yuʼun te la kilkotik te la skʼan pasel ta lek yan Bibliae?

  • ¿Bin ya skʼan ya skʼaytes sba ta jujun kʼajkʼal te machʼa ya skʼan ya snaʼ te bin-a te skʼanojel yoʼtan te Diose?

Naʼbeyaxan skʼoplal

¿BIN YA YAKʼ TA NOPEL TA SMELELIL TE BIBLIAE?

Te bin tsʼibaybil ta Bibliae talem ta stojol Dios

¿Bin-utʼil ya skoltayotik te Biblia ta swenta sitintayel te wokoliletike? ¿Bin yuʼun ya xjuʼ smukʼulin koʼtantik te bin albil jilel skʼoplal?