Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

¿Machʼatik ya spasik te skʼanojel yoʼtan te Jehová ta kʼajkʼal ini?

 LECCIÓN 3

¿Bin utʼil la yichʼ chaʼnaʼel te bin smelelil ya yal te Bibliae?

¿Bin utʼil la yichʼ chaʼnaʼel te bin smelelil ya yal te Bibliae?

Te machʼatik ya snopik te Biblia ta yaʼbilal 1870

Te sbabial revista Te J-ilkʼinal ta toyol te lokʼ ta 1879

Te J-ilkʼinal ta toyol ta kʼajkʼal ini

Te Biblia yalojbeyix skʼoplal-a te yalaj xchiknajik lotil jpʼijubteswanejetik ta yolil te sbabial jchʼuunjeletik te kʼalal lajemix-a te Cristoe, te yalaj sbolobtesbeyik skʼoplal te smelelil kʼope (Hechos 20:29, 30). Jichnix kʼot ta pasel-a, te lotil jpʼijubteswanejetike la skapik te nojptesel yuʼun te Jesús sok te nojptesel te maʼyuk ta Bibliae, jich la skuy sbaik ta jchʼuunjeletik yuʼun Cristo euk (2 Timoteo 4:3, 4). Ta swenta te bin la yichʼix alele, ¿bin utʼil ya jnaʼkotik ta lek te yuʼunix jaʼ smelelil-a te bin kʼoem ta koʼtankotik ta swenta te nojptesel yuʼun te Bibliae?

Kʼot yorail te la yakʼ ta naʼel te bin smelelil te Jehovae. Te Dios yalojbey skʼoplal te ya «xpʼohl te bintic ay ta naʼel» ta slajibal te kʼajkʼale (Daniel 12:4). Ta jaʼbil 1870, tut jtsojb winiketik te yakik ta sleel-a te smelelil skʼop Diose la yilik te bitʼil jteb ma spisiluk te nojptesel ya yakʼ te religionetike maba lokʼem ta Biblia. Ta swenta-abi la sle yilik ta lek te binix ya yakʼ ta nopel-a te sJun Diose, jich akʼbotik bendición yuʼun te Jehová te kʼalal akʼbot yilik te bin-a te smelelile.

Winiketik te pekʼel yoʼtanik la snopik ta lek te bin ya yal te Bibliae. Te winiketik-abi te la sbiilinik Te machʼatik ya snopik te Bibliae, ay bin la spasik te jich ya jpaskotik euk ta kʼajkʼal ini, jaʼ te snopel ta jujunchajp te bin ya yal te Bibliae. Te kʼalal ay bin tulan ya staik ta swenta te bintik yakik ta yilel-ae, ya sleik koltayel ta yantik versiculoetik yuʼun jich ya xkʼot ta yoʼtanik-a, te kʼalal ya spaj sba skʼoplal sok te yantik versiculoetik te ya yal te sJun Diose, jich la stsʼibayik jilel ta jun. Jaʼnix stukel te Biblia koltaywan ta yakʼel ta ilel te smelelil kʼop ta swenta te sbiil te Diose, te Ajwalinel yuʼune, ta swenta te skʼanojel yoʼtan ta stojol te ants winiketike sok ta stojol te Balumilale, soknix te bin utʼil ayik te machʼatik lajemikixe sok te chaʼkuxajele. Spisil te bintik la staik ta nopel ta Bibliae, jich koltayotik yuʼun ta yijkʼitayel jilel bayal te bintik schʼuunojik sok te bintik la spasik ta skaj te chʼayemik-ae (Juan 8:31, 32).

Ta jaʼbil 1879 kʼot ta yoʼtanik te bitʼil jaʼ yorailix te ya skʼan pukel ta bayuk te smelelil kʼope. Ta jaʼbilnix-abi jajch yichʼ pasel te revista Te J-ilkʼinal ta toyol. Ya spukbey skʼoplal te Ajwalinel yuʼun Jehová te yato yichʼ pasel kuʼunkotik ta kʼajkʼal ini. Jaʼnix jich ta kʼajkʼal ini kʼaxemto ta doscientos cuarenta pam nacionetik sok yantik tut lumetik te banti yak ta pukel te bin smelelil ya yal te Bibliae sok kʼaxem ta setecientos cincuenta kʼopiletik. ¡Maʼyuk jich kʼoem ta pasel te kʼaxto namal yichʼoj pukel te smelelil kʼope!

  • ¿Bin kʼot ta pasel ta swenta te bin smelelil ya yal te Biblia te kʼalal lajemix-a te Cristoe?

  • ¿Bin utʼil la yichʼ chaʼnaʼel kuʼunkotik te smelelil sKʼop Diose?