Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

¿Machʼatik ya spasik te skʼanojel yoʼtan te Jehová ta kʼajkʼal ini?

¿Bin-a te skʼanojel yoʼtan te Diose?

¿Bin-a te skʼanojel yoʼtan te Diose?

Te Dios ya skʼan te yakuk xkuxinotik ta lamal kʼinal sok te ayuk stseʼelil koʼtantik ta jun nichimal kʼinal liʼ ta Balumilal.

Jaʼukmeto jichniwan ya awal ini: «¿Bin utʼil ya xkʼot ta pasel-abi?». Te Biblia jamal ya yal te jaʼ ta swenta te Ajwalinel yuʼun Dios te jich ya xkʼot ta pasele. Te Jpaswanej ya skʼan te yakuk snaʼbeyik skʼoplal spisil te ants winiketik ta swenta te Ajwalinel-abi sok ta swenta te bintik snopoj ya spas ta stojol te ants winiketike (Salmo 37:11, 29; Isaías 9:7).

Te Dios ya skʼan te lekuk ay te jkuxlejaltike.

Jich bitʼil jtul lekil tatil jaʼ ya skʼan te bin lek ta stojol te yal snichʼnabe, jich ya skʼan euk te jTatik te ay ta chʼulchan te ayuk sbujtsʼ koʼtantik ta sbajtʼel kʼinale (Isaías 48:17, 18). Melel jamal ya yal ta stojol «te machʼa ya spas te bin ya scʼan yoʼtan te Diose, sbahtel qʼuinal ya xcuxaj stuquel» (1 Juan 2:17).

Te Dios ya skʼan te yakuk xbeenotik ta beetik yuʼune.

Te Biblia ya yal te ya skʼan ya snojptesotik te Jpaswanej kuʼuntik ta swenta te «behetic yuʼun» swenta jich ya xbeenotik «ta tut behetic yuʼun» (Isaías 2:2, 3). Te Dios ay schajpanoj jun pueblo te ichʼbil yuʼun te sbiile swenta jich ya yichʼ naʼel ta swolol Balumilal te skʼanojel yoʼtan te Diose (Hechos 15:14).

Te Dios ya skʼan te junuknax ayotik ta yichʼel ta mukʼe.

Te smelelil religione maba ya xatiklan stukel te ants winiketike, melel ya yakʼ te junax ya x-ayinik ta swenta kʼuxul oʼtanil (Juan 13:35). ¿Machʼatik-a te yakik ta snojptesel te ants winiketik ta spisil nacionetik te junuknax ya x-abatinik ta stojol te Diose? Ta swenta te folleto ini, ya jkʼankotik te yakuk anaʼbey sujtib te jojkʼoyel ini.

 

Naʼbeyaxan skʼoplal

NOJPTESEL YUʼUN BIBLIA

¿Bin utʼil ya yichʼ akʼel te nojptesel yuʼun te Bibliae?

Ta swolol Balumilal naʼbil sba te testigoetik yuʼun Jehová ta swenta te nojptesel yuʼun Biblia te ya yakʼik te maba tojbile. Ilawil te bin utʼil ya yichʼ pasele.

NOJPTESEL YUʼUN BIBLIA

¿Bin yuʼun ya skʼan ya jnoptik te Bibliae?

Te Biblia skoltayoj bayal millón ta jtul ants winiketik ta snaʼbeyel sujtib te jojkʼoyeletik te tulanik skʼoplale. ¿Yabal akʼan ya anaʼbey te sujtib euke?

¿BIN YA YAKʼ TA NOPEL TA SMELELIL TE BIBLIAE?

¿Bin-a te skʼanojel yoʼtan Dios ta swenta te Balumilale?

Te Diose yame spas ta nichimal kʼinal te Balumilal jich bitʼil yaloje. ¿Bin-ora ya spas?