Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

¿Machʼatik ya spasik te skʼanojel yoʼtan te Jehová ta kʼajkʼal ini?

 LECCIÓN 13

¿Bin-a te precursore?

¿Bin-a te precursore?

Canada

Scholel skʼop Dios ta nanatik

Nojptesel yuʼun Biblia

Snopel skʼop Dios ta jujuntul

Te kʼopil precursor jaʼ ya skʼan ya yal ta swenta te machʼa ya sjam bael be te banti maʼyuk machʼa kʼaxem tey-ae yuʼun jich ya xtʼunotik yuʼun te machʼatik yakik ta talel ta spate. Te Jesús jich kʼot te bitʼil jtul precursor, melel la yichʼ tal tikunel ta Balumilal swenta tal spas jun aʼtelil te ya yakʼ kuxlejalile sok tal sjam te be yuʼun te kolele (Mateo 20:28). Jaʼnix jich ta kʼajkʼal ini jtʼunojbeykotik te bitʼil la spas te Jesuse, melel ya jlokʼeskotik bayal tiempo te bantito kʼalal ya xjuʼ kuʼunkotik ta yotsesel jnopojeletik (Mateo 28:19, 20). Ay chaʼoxtul te yakʼoj sbaik ta abatinel ta precursor.

Jaʼ te machʼa spisil ora ya schol skʼop Dios. Spisil te stestigotak te Jehová ya scholik te lek yachʼil kʼope. Jaʼukmeto ay machʼatik te ya slokʼes stiempoik yuʼun ya yakʼ sbaik ta precursor regular jaʼik ini setenta hora ya scholik skʼop Dios ta jujun u. Ta swenta-abi ay bayal ta jtul te ya x-aʼtejik cheʼoxebuk kʼajkʼal ta semana. Ay yantik te ya yichʼik tsael yuʼun ya x-ochik ta precursor especial yuʼun ya yichʼik tikunel bael ta banti maʼyuk bayal jchol kʼopetik tey-ae, jaʼik-abi ciento treinta hora o kʼaxem-a te ya scholik skʼop Dios ta jujun ue. Te precursoretik maʼyuk bayal sbilukik, melel ya smukʼulin yoʼtanik te Jehová te jaʼ ya x-akʼbotik yuʼun te bin ya xtuun yuʼunike (Mateo 6:31-33; 1 Timoteo 6:6-8). Te machʼatik ma xjuʼ yuʼunik te ya yakʼ sbaik ta precursor regular o especial ya xjuʼ ya yakʼ sbaik ta precursor auxiliar, te treinta o cincuenta hora ya scholik skʼop Dios ta jujun ue.

Te skʼuxul yoʼtan te precursor ta stojol Dios sok te spat xujke jaʼ ya xtijbot yoʼtan yuʼun. Jich bitʼil la yil te Jesús ta swenta te ants winiketik te mel oʼtantik sba te bitʼil ma snaʼbeyik sba te Diose, jaʼnix jich ya kilkotik euk ta ora ini (Marcos 6:34). Jich bitʼil te jnaʼojixkotik te smelelil kʼope ya xjuʼ ya kalbeykotik yaʼiy te ants winiketik te ya xjuʼ ya xkoltayotik yuʼun euk ta ora ini, soknix te ya x-akʼbot smukʼul yoʼtanik ta swenta te pajel chaʼbeje. Te skʼuxul yoʼtan te precursor ta stojol te spat xujke ya xtijbot yoʼtan ta slokʼesel stiempo sok ya stuuntes te yip ta skoltayel te ants winiketik ta snaʼbeyel sba te Diose (Mateo 22:39; 1 Tesalonicenses 2:8). Te kʼalal jich ya spasik ini, ya yichʼxan yip schʼuunel yoʼtanik sok jich nopolxan ya x-ayinik ta stojol Dios, ta swenta-abi ya sta bayal yutsil yoʼtanik (Hechos 20:35).

  • ¿Bin-a te precursore?

  • ¿Bin ya xtijbot yoʼtanik yuʼun te machʼatik spisil ora ya scholik skʼop Diose?