Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

¿Machʼatik ya spasik te skʼanojel yoʼtan te Jehová ta kʼajkʼal ini?

 LECCIÓN 22

¿Bintik ya yichʼ pasel ta Betel?

¿Bintik ya yichʼ pasel ta Betel?

Islas Salomón

Canadá

Sudáfrica

Te machʼatik ayik ta Betel yanyantik te banti ya x-aʼtejike, yuʼun jich ya yakʼik koltayel ta swenta te scholel skʼop Dios ta jpam nación o yantikxan nacionetik, te banti ya yichʼ kʼasesel ta yan kʼopil te skʼop Diose, ya yichʼ lokʼesel junetik ta maquinaetik, snupʼtiklanel libroetik, ya yichʼ otseslanel ta cajaetik te junetik sok yantikxan bintik lokʼem ta Biblia o ya spasik grabacionetik sok peliculaetik, sok yantikxan te bintik ya yichʼ pasele.

Te Comité yuʼun Betel ya yil te aʼtelil ya yichʼ pasele. Te Jtsojb Jwolwanejetik ya yakʼbey ta skʼab te comiteetik ta yilel te aʼtelil te ya yichʼ pasel ta naetik yuʼun Betel, te comité ay ta oxtul ancianoetik o kʼaxem-a te chapalik ta leke. Te hermanoetik ini ya yakʼbeyik snaʼ te Jtsojb Jwolwanejetik te bitʼil yak ta beel te aʼtelil ta banti kʼinalil smakojike sok te kʼopetik ya xjuʼ xjajche, jich te Jtsojb Jwolwanejetik ya snaʼik te bintik tema ya yichʼ albeyel skʼoplal ta junetik te lokʼem ta Biblia te yato yichʼ lokʼesel ta pajel chaʼbeje, sok te bintik ya yichʼ ilel ta tsoblejetik soknix ta mukʼul tsoblejetik. Te Jtsojb Jwolwanejetike jteb ma spisiluk ora ya stikun hermanoetik ta yulaʼtayel te Betel sok ta yakʼel koltayel ta stojol te Comité yuʼun Betel ta swenta spasel te aʼtelil ay ta swentaike. Jaʼik ini sbiilinejik superintendenteetik yuʼun zona (Proverbios 11:14). Te kʼalal yak ta ulaʼtayel-a te Betel ya yichʼ pasel jun tsoblej te kʼax bayal skʼoplal te banti te superintendente yuʼun zona ya skʼases jun discurso swenta yuʼun ya smukʼubtesbey kʼinal yaʼiy te machʼatik ayik ta nainel ta banti kʼinal smakoj te Betel te yak ta ulaʼtayele.

Ya yakʼik koltayel ta stojol te congregacionetike. Te Betel jaʼ ya yal te banti ya xjam yachʼil congregacionetik sok jaʼnix ya yal te machʼatik ya xjuʼ ya x-och ta ancianoetik sok ta siervo ministerialetik soknix ya skʼejbey te sjunike. Jaʼnix jich teyto ya yichʼ ilel te yaʼtel te precursoretik, te misioneroetik sok te superintendenteetik te ya x-ulaʼtaywanike. Jaʼnix jich tey ya yichʼ chajpanel te mukʼul tsoblejetik, ya yichʼ ilel te aʼtelil ta swenta spasel sNail Tsoblejetik soknix teyto ya yichʼ tikunel tal-a te junetik sok yantikxan bintik lokʼem ta Biblia ta congregacionetik. Spisil te aʼtelil ta Betel jaʼ ya spas te chajpambil ta lek te bitʼil ya yichʼ cholel te skʼop Diose (1 Corintios 14:33, 40).

  • ¿Bin utʼil te Comité yuʼun Betel ya skoltay te Jtsojb Jwolwanejetike?

  • ¿Bintik aʼtelil ya yichʼ pasel ta Betel?