Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Programa yuʼun mukʼul tsoblej 2017

Te bintik ya skʼan ya snaʼ te machʼatik ya xkʼotike

Te bintik ya skʼan ya snaʼ te machʼatik ya xkʼotike

TSOBLEJ TE MUKʼIK SKʼOPLALE

AʼTEL TA BETEL. Yame yichʼ ikʼel ta jun tsoblej ta viernes ta tibiltik te jcholkʼopetik te yichʼojik jaʼ te maba kʼaxem ta 35 yaʼbilalik te ya smulan ya xbajtʼik ta Betel. Te ora sok te banti ya yichʼ pasel yame yichʼ alel tal ta plataforma.

PʼIJUBTESEL TA SWENTA TE MACHʼATIK YAʼTELINEJIK SCHOLEL SKʼOP DIOS. Yame yichʼ ikʼel ta jun tsoblej ta domingo ta tibiltik te precursoretik te ayik ta 23 kʼalal ta 65 yaʼbilalik te ya smulanik smukʼubtesel te yaʼtelik swenta ya xbajtʼik ta pʼijubtesel. Te ora sok te banti ya yichʼ pasel yame yichʼ alel tal ta plataforma.

 TE BINTIK YA SKʼAN YA SNAʼ TE MACHʼATIK YA XKʼOTIKE

AKOMODADORETIK. Te akomodadoretik jaʼme ya skoltayat. Pasa te bin ya yalbat ta swenta te estacionamiento, te kʼalal ya xbeenat ta yutil te banti yak ta pasel te mukʼul tsoblej, smakel anaktijib sok yantikxan.

ICHʼJAʼ. Yame yichʼ makel snaktijibik ta stsʼeel plataforma te machʼatik ya yichʼik jaʼ, teme maʼuke yame yichʼ alel. Ta sab sábado te machʼatik ya yichʼik jaʼ, yame skʼan xnajkajik tey-a te kʼalal mato xjajch te discurso yuʼun ichʼjaʼ. Ta spisilik ya skʼan yichʼik bael jun toaya sok kʼuʼul pakʼal yuʼun nuxel te snujpʼ ta ilele.

MAJTʼAN TAKʼIN. Bayal takʼin ya yichʼ lajinel ta swenta te siyaetik, sonido, videoetik soknix te bintik ya yichʼ tuuntesel yuʼun ya jmulantik-a te mukʼul tsoblej te ya skoltayotik yuʼun ya xnoptsajotikxan ta stojol te Jehovae. Te majtʼan takʼin ya awakʼike jaʼme ya yichʼ tojel-a, soknix te aʼtelil yuʼun scholel skʼop Dios ta swolol Balumilal. Ta swenta-abi, ayme akʼbil kajaetik ta sjoyobal te na ini yuʼun ya awakʼ tey-a te majtʼan takʼine. Yame kaltik wokol yuʼun te jich ya apasike. Te Jtsojb Jwolwanejetik yame yalbeyex bayal wokol ta swenta te koltayel ya awakʼik ta swenta te scholel skʼop Diose.

NAKTIJIBAL. Awokoluk akʼa ta ilel yutsil awoʼtan ta stojol te yantike. Julukme ta awoʼtan te jaʼnax ya xjuʼ ya amakbey snaktijib te afamilia, te machʼatik la awikʼ talel ta akarro, te machʼatik jun ayat ta nainel sok, o te machʼatik ya awakʼbey nojptesel yuʼun Biblia. Mame xa amak naktijibal teme maba ya atuuntese.

OBJETOS PERDIDOS. Teme ay bin chʼayem la atae ichʼa bael ta Departamento ini, sok teme ay bin chʼay awuʼun baan lea tey-a. Jaʼnix jich te alaletik teme ay chʼayemike ikʼa bael tey-a, jaʼukmeto te Departamento mame jaʼuk yaʼtel skanantayel alaletik. Awokoluk kanantayame te awal anichʼnabik sok jokinaik ta spisil-ora.

PRIMEROS AUXILIOS. Julukme ta awoʼtan, te departamento ini JAʼNAXME ta swenta teme ay AJKʼNAX LA JTA JWOKOLTIKE.

SERVICIO VOLUNTARIO. Teme ay spasemal awoʼtan ya akʼan xkoltaywanat ta spasel te aʼtelil ya yichʼ pasel liʼ ta mukʼul tsobleje, baan ta Departamento de Información y Servicio Voluntario.

Chajpanbil yuʼun te Jtsojb Jwolwanejetik yuʼun stestigotak Jehová

 

Naʼbeyaxan skʼoplal

¿MACHʼATIK YA SPASIK TE SKʼANOJEL YOʼTAN TE JEHOVÁ TA KʼAJKʼAL INI?

¿Bin-a te Betele?

Jaʼnax ta Betel te banti ya yichʼ pasel te bintik kʼax bayal skʼoplale, maʼyuk yan. Nopaxan ta swenta te machʼatik ya x-aʼtejik tey-ae.

¿MACHʼATIK YA SPASIK TE SKʼANOJEL YOʼTAN TE JEHOVÁ TA KʼAJKʼAL INI?

¿Bintik smakoj te aʼtelil yuʼun misioneroe?

¿Bintik smakoj te ya slokʼes sba ta yoʼtanike? ¿Bintik chajpambil yuʼun ya yichʼik pʼijubtesel ta lek?

¿MACHʼATIK YA SPASIK TE SKʼANOJEL YOʼTAN TE JEHOVÁ TA KʼAJKʼAL INI?

¿Banti ya xtal te takʼin yuʼun spasel te aʼtelil ta swolol Balumilale?

Ta swenta te bitʼil ya staik te takʼine, jaʼ jich chikan ta ilel te maba pajaluk sok te yantik religionetike.