Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

Nojptesa te awal anichʼnabike

 LECCIÓN 1

Ay bin tulan skʼoplal te ya yakʼ stseʼelil koʼtantik snaʼel

Ay bin tulan skʼoplal te ya yakʼ stseʼelil koʼtantik snaʼel

¿Aybal bin scholojbatik awaʼiy te maʼyuk machʼa snaʼoj stojole?... * Te Biblia ay bin ya yalbey skʼoplal te jaʼnax ya snaʼ stukel te Diose sok te jaʼnax stukel ya xjuʼ ya yakʼ ta naʼele. Kʼax tulan skʼoplal-abi, melel talem ta stojol te Diose. Ta sjajchibal maʼyuk machʼa snaʼojbey skʼoplal-a. Jaʼnix jich yoʼtanuk kʼan snaʼbeyik skʼoplal euk te chʼul abatetike. ¿Yabal akʼan ya anaʼbey skʼoplal euk?...

Te chʼul abatetik kʼan snaʼbeyik skʼoplal euk te bin ma naʼbiluk skʼoplal-ae

Ayix tal bayal jaʼbil te la yichʼ pasel yuʼun Dios te sbabial winik soknix te sbabial antse. ¿Yabal anaʼbey te sbiilike?... Adán sbiil te winike Eva sbiil te antse, kuxinik ta banti tsʼumbil kʼinal Edén. Kʼax tʼujbil te kʼinal-abi, melel te Diose la schajpan ta lek yuʼun ya xnain tey-a te ants winike. Te bin la skʼan te Dios ta stojol te Adán sok te Eva soknix te yal snichʼnabike jaʼ te lajuk spasik ta tʼujbil nichimal kʼinal ta swolol te Balumilale jich bitʼil te tsʼumbil kʼinal Edén. Jaʼnix jich la skʼan te kuxinukik ta spisil ora ta jun nichimal kʼinal. Jaʼukmeto ma jichuk kʼot ta pasel. ¿Yabal anaʼ te bin yuʼune?...

Jaʼ ta swenta te la skʼaxuntaybeyik smantal Dios te Adán sok te Evae, jaʼ yuʼun maba yakotik ta kuxinel ta jun nichimal kʼinal. Jaʼukmeto te Diose yaloj ta jamal te ya xbajtʼ spas ta nichimal kʼinal ta swolol te Balumilale sok tseʼelnaxme yoʼtan ya xkuxinik te ants winiketike, soknix maʼyuk bin ora ya xlajik. ¿Bin utʼil ya xbajtʼ kʼotuk ta pasel-abi? Kʼax bayal jaʼbil te maʼyuk jtuluk ants winik te snaʼojbey skʼoplal-ae. Jich yuʼun, ¡ma naʼbiluk skʼoplal-a!

Jaʼukmeto kʼunkʼun la yichʼ naʼbeyel te skʼoplale, te kʼalal xtaluk ta Balumilal te Jesuse la yakʼxan ta naʼel ta lek-abi. La scholbey skʼoplal te jaʼ ta swenta te Ajwalinel yuʼun te Diose. Te kʼalal ya jkʼopontik te Diose, jich ya jkʼambeytik: «Akʼa taluk te wentainel awuʼune». ¿Bin yuʼun? Melel te Diose jaʼme ya stuuntes te wentainel-abi yuʼun ya spas ta tʼujbil nichimal kʼinal ta swolol te Balumilale.

¿Yabal amulan ya xkuxinat ta banti te Nichimal Kʼinale?... Jaʼukmeto julukme ta awoʼtan te jaʼnax ya xkuxinik ta Nichimal Kʼinal te machʼatik ya schʼuumbeyik smantal te Diose. Te Biblia ya scholbey skʼoplal te ay bayal ta jtul winiketik sok antsetik te la schʼuumbeyik smantal te Jehová. Te folleto ini yame yakʼ jnoptik machʼatik-a sok bin utʼil ya xjuʼ ya jkʼayimbeytik te stalelike. ¿Yabal akʼan ya anaʼtiklambey sba?...

AKʼA JKʼOPONTIK TA BIBLIA:

  • Marcos 4:11

  • 1 Pedro 1:12

  • Génesis 1:26-28; 2:8, 9; 3:6, 23

  • Mateo 6:9, 10

  • Salmo 37:11, 29

^ párr. 1 Te aʼyejetik te ya yichʼ bael ilele yame awil te ay oxeb puntoetik (...) yichʼoj ta slajibal te jojkʼoyeletike. Te kʼalal ya xlaj awoʼtan ta skʼoponel te jojkʼoyeletike, maliya jtsʼinuk yuʼun ya yakʼbey sujtib te jojkʼoyeletik te anichʼane.