Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Ochan ta banti te bintik yichʼoje

sTestigotak te Jehová

tseltal

¿Yabal xjuʼ ya xchaʼkuxajik te machʼatik lajemikixe?

¿Yabal xjuʼ ya xchaʼkuxajik te machʼatik lajemikixe?

Yaniwan awal te...

  • yake.

  • maʼuke.

  • yakniwane.

 TE BIN YA YAL TE BIBLIAE

«Ay chaʼcuxajel yuʼun te machʼatic chamenic.» (Hechos 24:15, Scʼop Dios Tzeltal.)

¿BIN UTʼIL YA SKOLTAYOTIK TA SNAʼBEYEL TE SUJTIB TE JOJKʼOYELE?

Yame jtatik smukʼul koʼtantik te kʼalal ay machʼa ya xlaj kuʼuntike (2 Corintios 1:3, 4).

Mame xbajtʼ jxiʼtikix bayal te lajele (Hebreos 2:15).

Jichme tulan ya x-ayin schʼuunel koʼtantik te bitʼil ya xjuʼ ya jchaʼkiltik te machʼatik lajemikix kuʼuntike (Juan 5:28, 29).

 ¿YANIXBAL XJUʼ YA JCHʼUUNTIK-A TE BIN YA YAL TE BIBLIAE?

Yak, ay oxchajp te bin yuʼune:

  • Jaʼ ya yakʼ kuxlejalil te Diose. Te Biblia jich ya yal ta swenta te Jehová: «Te sloqʼuib-haʼ yuʼun cuxlejal» (Salmo 36:9; Hechos 17:24, 25). Teme juʼ yuʼun yakʼbeyel skuxlejal spisil te bintik kuxajtike, yananix xjuʼ yuʼun yakʼbeyelxan skuxlejal-a te machʼatik lajemikixe.

  • Te Dios ay schaʼkuxajtesojix ants winiketik ta namey. Te Biblia ya yalbey skʼoplal waxaktul te machʼatik la yichʼik chaʼkuxajtesele, te swaxaktulul-abi ayme ants, ayme winik sok jchʼieletik te chaʼkuxajik liʼ ta Balumilal. Ay machʼatik te la yichʼik chaʼkuxajtesel ta oranax te kʼalal lajik-ae, jaʼukmeto ay jtul winik te ayix schanebal kʼajkʼal slajel-a te kʼalal chaʼkuxaje (Juan 11:39-44).

  • Te Diose sok spisil yoʼtan ya skʼan ya schaʼkuxajtes te machʼatik lajemikixe. Te Jehová ya yilay te lajele, melel jich ya yil te bitʼil jkontrainwanej yuʼune (1 Corintios 15:26). Yoʼtanukix ya skʼan ya slajin te jkontrainwanej ini, yame spas ta swenta te chaʼkuxajele. Jaʼnix jich ya skʼan te ya xchaʼkuxajik liʼ ta Balumilal te machʼatik ay ta yoʼtane (Job 14:14, 15).

 JOJKʼOYBEYA ABA

¿Bin yuʼun te ya xmeʼel mamalubotik sok te ya xlajotike?

Yame atabey sujtib ta Biblia ta GÉNESIS 3:17-19 sok ta ROMANOS 5:12.

Naʼbeyaxan skʼoplal

¿Aybal bin ya smaliyik te machʼatik lajemikixe?

¿Bin utʼil ayik te machʼatik lajemikixe? ¿Aybal bin ora ya jchaʼkiltik te machʼatik lajem kuʼuntike?