Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Lek yachʼil kʼop te talem ta stojol Dios

 LECCIÓN 3

¿Yuʼunixbal talem ta stojol Dios-a te lek yachʼil kʼop te ay ta Bibliae?

¿Yuʼunixbal talem ta stojol Dios-a te lek yachʼil kʼop te ay ta Bibliae?

1. ¿Machʼa lokʼem tal ta yoʼtan te bin tsʼibaybil ta Bibliae?

Te lek yachʼil kʼop ta swenta te bitʼil ya xkuxinotik ta Balumilal ta sbajtʼel kʼinale ya yichʼ tael ta Biblia (Salmo 37:29). Te Bibliae yichʼoj 66 ta pajk bikʼtal libroetik, la stsʼibayik 40 ta jtul winiketik te jun yoʼtan la yakʼ sbaik ta stojol Dios te jaʼnix tsaotik yuʼun ta spasel te aʼtelil ini. Te sbabial joʼeb libroetik yuʼun te Bibliae ayix tal tres mil quinientos jaʼbil te la yichʼ tsʼibayel yuʼun te Moisese, yan stukel te slajibal libroe ayix tal mil novecientos jaʼbil te la yichʼ tsʼibayel yuʼun te jpuk kʼop Juane. Te bintik ya yal te Bibliae talem ta stojol Dios, sok jaʼnix kʼopoj ta swenta schʼul espíritu ta stojol te machʼatik la stsʼibayik te Bibliae (2 Samuel 23:2). Te winiketik ini jaʼ la stsʼibayik te bintik lokʼem tal ta yoʼtan te Diose ma jaʼuk te bin la snop ta yoʼtan stukelike. Jaʼ yuʼun te bintik tsʼibaybil ta Bibliae jaʼ lokʼem tal ta yoʼtan te Jehovae. Akʼa yichʼ kʼoponel te 2 Timoteo 3:16 sok 2 Pedro 1:20, 21.

2. ¿Bin yuʼun te ya smukʼulin koʼtantik te yuʼunix jaʼ ya yal-a te bin smelelil te Bibliae?

Jaʼ yuʼun te bitʼil talem ta stojol te Diose. Jchʼuunejtik te yuʼunix jich-ae, melel te bin ya yal te ya xkʼot ta pasel ta pajel chaʼbeje yuʼunanix jich ya xkʼot ta pasel-a, yan stukel te ants winiketike ma xjuʼ yuʼunik snaʼel te bin yato xkʼot ta pasele (Josué 23:14). Jaʼnax ya snaʼ stukel te Dios te spisil ya xjuʼ yuʼune. Akʼa yichʼ kʼoponel te sjun Isaías 42:9 sok 46:10.

Teme ay jun libro te talem ta stojol te Diose, yuʼunanix yan stukel-abi. Ta swenta te Bibliae yichʼoj pukel bayal ta jmil millonetik soknix bayal ta cien ta chajp kʼopiletik. Manchukme kʼax namey chiknajemix te Bibliae, jaʼukmeto ya spaj sba sok te bin ya yalik te jpʼijil winiketike. Jaʼnix jich te bin la stsʼibayik te 40 ta jtul winiketike, ma la sjel sba te bin la stsʼibayike. * Ta jujun página te bin ya yale tey ya xchiknaj ta ilel-a te skʼuxul yoʼtan te Diose sok ta kʼajkʼal ini ay yuʼel te Biblia yuʼun ya skoltay ta sjeltaybeyel skuxlejal te ants winiketike. Ta swenta spisil ini, millonetik ta jtul ants winiketik kʼoem ta yoʼtanik te yuʼunix jaʼ sKʼop Dios-a te bin ya yal te Bibliae. Akʼa yichʼ kʼoponel te 1 Tesalonicenses 2:13.

 3. ¿Bin ya yalbey skʼoplal te Bibliae?

Te Bibliae kʼax lek te bintik ya yalbey skʼoplale. Ya yalbey skʼoplal te bin chajpnax snopoj ya spas te Dios ta stojol te ants winiketike. Ya yal ta swenta sjajchibal te ants winik te la schʼayik te kuxinel ta jun nichimal kʼinale, soknix ya yalbey skʼoplal te bin utʼil ya yichʼ chaʼpasel te nichimal kʼinale. Akʼa yichʼ kʼoponel te sjun Apocalipsis 21:4, 5.

Te sKʼop Diose yichʼoj leyetik, mantaliletik sok bayal tsitsel. Te Biblia ya scholbey skʼoplal te bin la spas ta stojol te ants winiketik te la spasik te bintik leke, soknix te machʼatik la spasik te bintik chopole. Ta swenta ini ya yakʼ jnoptik te bin yilel stalel te Diose. Jaʼ yuʼun te Biblia ya skoltayotik ta snaʼbeyel sba te Diose soknix ya snojptesotik bin utʼil ya xjuʼ ya kamigointik. Akʼa yichʼ kʼoponel te sjun Salmo 19:7, 11; Santiago 2:23, sok 4:8.

4. ¿Bin ya xjuʼ ya skoltayotik ta snaʼbeyel swentail te bin ya yal te Bibliae?

Swenta yuʼun la scholbey ta lek skʼoplal te bin swentail te bin ya yal te sJun Dios te Jesuse la yalbey skʼoplal versiculoetik sok la schol te bintik swentaile. Te folleto ini jaʼnix jich ya spas euk yuʼun jich ya skoltayotik ta snaʼel ta lek-a te bintik ya yakʼ ta nopel te Bibliae. Akʼa yichʼ kʼoponel te sjun Lucas 24:27, 45.

Ya jnaʼkotik te ya xbajtʼ amulan snaʼbeyelxan skʼoplal te lek yachʼil kʼop te ay ta jwentatik yuʼun te Diose. Jaʼukmeto, ay chaʼoxtul ants winiketik te maʼyuk skʼoplal ta yoʼtanik ini sok ay yantik te ma lek ya yaʼiyik te kʼalal ya xcholbot yaʼiyike. Jaʼukmeto mame xawakʼ schebajtesbat awoʼtan te machʼatik jich ya snopike. Te Biblia ya yal te ya xjuʼ ya sta skuxlejalik ta sbajtʼel kʼinal te machʼatik ya snopik ta swenta te Diose. Akʼa yichʼ kʼoponel te sjun Juan 17:3.

 

^ párr. 3 Akʼa yichʼ ilel te folleto Te Biblia sok te bin ya xchole

Naʼbeyaxan skʼoplal

LEK YACHʼIL KʼOP TE TALEM TA STOJOL DIOS

¿Bin yuʼun ya smukʼulin koʼtantik te yuʼun-nix jaʼ smelelil-a te bin ya yal te Bibliae?

Teme jaʼ lokʼem tal ta yoʼtan Dios te Bibliae, maba spaj sba sok te yantik libroetike.

¿BIN YA YAKʼ TA NOPEL TA SMELELIL TE BIBLIAE?

Te bin tsʼibaybil ta Bibliae talem ta stojol Dios

¿Bin-utʼil ya skoltayotik te Biblia ta swenta sitintayel te wokoliletike? ¿Bin yuʼun ya xjuʼ smukʼulin koʼtantik te bin albil jilel skʼoplal?

¿BIN YA YAKʼ TA NOPEL TA SMELELIL TE BIBLIAE?

¿Bin-a te smelelil nojptesel ya yakʼ te Biblia ta swenta te Diose?

¿Aybal akʼoplal ta yoʼtan te Diose? Nopbeya ta swenta te stalele sok te bitʼil ya xjuʼ xnoptsajat ta stojole.