Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

Ayinanikme ta stojol te skʼuxul yoʼtan te Diose

Jlejch carta yuʼun te Jtsojb Jwolwanejetik

Jlejch carta yuʼun te Jtsojb Jwolwanejetik

Ta spisil te machʼatik kʼux ta yoʼtanik te Jehovae:

Te Jesús jich la yal: «Ya me anaʼbeyic sba te smelelil cʼop, soc ha ya yaqʼuex ta libre te smelelil cʼope» (Juan 8:32). ¡Kʼax bayal ya yakʼ smukʼul kʼinal kaʼiytik-abi! Ta melel, ya xjuʼ ta nopel te smelelil kʼop, manchukme ayotikix «ta slajibal cʼahcʼal» te chujkʼultik sba te kʼax nojel ta lotil (2 Timoteo 3:1). Ta melel, yaniwan xjul ta koʼtantik te kʼalal sok stseʼelil koʼtantik la jnoptik te smelelil kʼop te ya yal te sKʼop Diose. ¡Kʼax tʼujbil la kaʼiytik!

Jaʼukmeto ma tikʼuk-a te ya jnaʼtik ta lek te smelelil kʼope sok te ya jpuktik ta alel spisil-ora. Yame skʼan te ya jpastik ta jkuxlejaltike. Ta melel yame skʼan te ya x-ayinotik ta stojol te skʼuxul yoʼtan te Diose. Jaʼukmeto, ¿bin-utʼil ya xjuʼ kuʼuntik te ya x-ayinotik ta stojol te skʼuxul yoʼtane? Te Jesús la yakʼbey sujtib ta ajkʼabal te kʼalal mato xlaj-ae, te kʼalal jich la yalbey te jpuk-kʼopetik te jun yoʼtanik ta stojole: «Teme yac achʼuhunic spasel te mandariletic cuʼun, hich jcʼaxel ya xʼayinex ta stojol a te scʼuxul coʼtan, hich te bin utʼil jchʼuhunej spasel te mandariletic yuʼun te Jtat soc jcʼaxel ayon ta stojol te scʼuxul yoʼtan» (Juan 15:10).

¿Labal kiltik bin-utʼil juʼ yuʼun ayinel ta stojol te skʼuxul yoʼtan Dios te Jesuse? Jaʼ yuʼun te la schʼuunbey smantal te sTate. Jaʼme jich ya skʼan ya jpastik-euk te joʼotike. Swenta ya x-ayinotik ta stojol te skʼuxul yoʼtan te Diose, yame skʼan ya kakʼ jbatik ta tojobtesel ta swenta te smelelil kʼop ta spisil te bin ya jpastik ta jkuxlejaltike. Jich la yal te Jesús ta ajkʼabal-abi: «Teme hich anaʼojic, bayel me awutsilic teme hich yac apaisque» (Juan 13:17).

Te bin tulan skʼoplal ta koʼtantike jaʼ te yakuk skoltayotik ta jpisiltik te libro ini ta spasel ta jkuxlejaltik te smelelil kʼop sok te ya x-ayinotik «ta stojol te scʼuxul yoʼtan Dios» jich bitʼil te yakotik ta smaliyel te kuxlejalil ta sbajtʼel kʼinale (Judas 21).

Jtsojb Jwolwanejetik yuʼun te sTestigotak te Jehová