Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Chʼama awaʼiy te bin ya yal te Diose jichme ya xkuxinat ta sbajtʼel kʼinal

 PARTE 13

¿Bin ya skʼan ya jpastik swenta lek ya yilotik te Diose?

¿Bin ya skʼan ya jpastik swenta lek ya yilotik te Diose?

Mame xapas te bintik ya yilay te Diose (1 Corintios 6:9, 10)

Teme kʼux ta koʼtantik te Diose, maba ya jpastik te bin ma smulane.

Te Dios ma skʼan te ya kaʼiytik elekʼ te ya xyakubotik soknix te ya jtuuntestik biluk droga.

Te Dios ya yilay te skʼasesel alale, te machʼatik sjoy sbaik ta winikil o ta antsil te ay bin ya spasbey sbaik ta sbakʼetalike sok te milawe. Jaʼnix jich ma smulan te jaʼ ya xbajtʼ koʼtantik ta swenta te kʼulejalile soknix te ya xmajawanotike.

Mame skʼan te ya kichʼtik ta mukʼ lokʼombaetik sok skʼoponel chopol espirituetik.

Te ants winiketik te jich ya spasik ini mame xkuxinik liʼ ta Balumilal te kʼalal ya xpastaj ta nichimal kʼinale.

 Yame skʼan ya jpastik te bintik lek ta stojol te yantike (Mateo 7:12)

Te Jehovae lek ya yil te kʼalal ya jpastik tulan ta skʼayimbeyel te stalele.

Yame skʼan te lekuk awoʼtan sok te manchuk ay stʼutʼil awoʼtane, melel jichme ya yichʼ akʼel ta ilel te kʼuxul oʼtanile.

Mame xawaʼiy lot sok mame x-elkʼajat.

Cholbeyame yaʼiy skʼop Dios te yantike (Isaías 43:10).

Pasbeya perdón te yantike.

Naʼbeyaxan skʼoplal

LEK YACHʼIL KʼOP TE TALEM TA STOJOL DIOS

¿Bin utʼil ya skoltayotik ta jkuxlejaltik te leyetik yuʼun te Diose?

Jesús la scholbey skʼoplal te bin yuʼun ya jkʼantik tojobtesele sok bin cheb mantaliletik te tulanik skʼoplale.

NOJPTESEL YUʼUN BIBLIA

¿Bin yuʼun ya skʼan ya jnoptik te Bibliae?

Te Biblia skoltayoj bayal millón ta jtul ants winiketik ta snaʼbeyel sujtib te jojkʼoyeletik te tulanik skʼoplale. ¿Yabal akʼan ya anaʼbey te sujtib euke?