Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Chʼama awaʼiy te bin ya yal te Diose jichme ya xkuxinat ta sbajtʼel kʼinal

 PARTE 8

¿Bin yuʼun te laj te Jesuse?

¿Bin yuʼun te laj te Jesuse?

Laj ta jwentatik te Jesús yuʼun jich ya xjuʼ xkuxinotik ta sbajtʼel kʼinal-a (Juan 3:16)

Te kʼalal ayix oxeb kʼajkʼal slajel-a te Jesuse, ay chaʼoxtul antsetik te bajtʼ yilbeyik te smukenale, jaʼukmeto jochol la staik. Chaʼkuxajtesotix yuʼun-a te Jehovae.

Ta patil te Jesús la yakʼ sba ta ilel ta stojol te yamigotake sok te jpuk kʼopetike.

Te Jesús maba ta chʼichʼbakʼet chaʼkuxaj, melel te Dios la yakʼbey skuxlejal ta espíritu, jich bitʼil te chʼul abatetike. Te jnopojeletik la yilik te Jesús te kʼalal mo bael ta chʼulchane. Ta ora ini espirituix te kʼax bayal yuʼel te maʼyuk bin ora ya xlaje.

 Te Dios la schaʼkuxajtes te Jesús sok la yotses ta ajwalil (Daniel 7:13, 14)

La yakʼ sba ta lajel te Jesús yuʼun jich ya sta skolel te ants winiketik ta swenta te mulil sok te lajele (Mateo 20:28). Wokol yal yuʼun-abi, te Dios ya xjuʼ yakʼbotik jkuxlejaltik ta sbajtʼel kʼinal.

Te Jehová la stsa te Jesús yuʼun kʼalalto ta chʼulchan ya xmantalaj tal ta Balumilal. Jaʼukmeto maba stukel ya xmantalaj, melel ay 144,000 ta jtul ants winiketik te schʼuunojik mantal te ya xkuxinik ta chʼulchan te kʼalal chaʼkuxajemikix-ae. Te tojil mantaltesel ini jaʼme te Ajwalinel yuʼun Diose (Apocalipsis 14:1-3).

Te Ajwalinel ini jaʼme ya spas ta nichimal kʼinal te Balumilale. Mame ayukix guerraetik, j-utsʼinwanejetik, meʼbail sok wiʼnal. Kʼax tseʼelnaxme yoʼtanik ya xkuxinik te ants winiketike (Salmo 145:16).

Naʼbeyaxan skʼoplal

LEK YACHʼIL KʼOP TE TALEM TA STOJOL DIOS

¿Machʼa-a te Jesucristoe?

Ilawil bin yuʼun laj te Jesuse, bin utʼil ya jtatik jkoleltik yuʼun, bin yak ta spasel ta ora ini.

LEK YACHʼIL KʼOP TE TALEM TA STOJOL DIOS

¿Bin-a te Ajwalinel yuʼun te Diose?

¿Bin ya skʼotes ta pasel te Ajwalinel yuʼun te Diose, sok machʼa-a te ya xmantalaj tey-ae?