Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

¿Bin ya yakʼ ta nopel ta smelelil te Bibliae?

¿Yuʼun-nixbal jich la skʼan Dios-a te jich ya xkʼot ta pasel ini?

¿Yuʼun-nixbal jich la skʼan Dios-a te jich ya xkʼot ta pasel ini?

¿BINTIK ya awilbey skʼoplal te kʼalal ya akʼopon te periodiko, te kʼalal ya awil te telebision o te kʼalal ya achʼam awaʼiy stojol te radioe? ¡Ay bayal bintik chopol ya yichʼ pasel, guerra sok terrorismo! Soknix nopa awaʼiy te wokoliletik te yak ta kʼaxel ta atojole. Yaniwan amel awoʼtan yuʼun ta skaj te ay machʼa ay ta chamel o te ay machʼa laj bael awuʼun te kʼux ta awoʼtane. Jichniwan ya awaʼiy aba te bitʼil te Job te jtul lekil winik te jich la yale: «yac quilbel jwocol» (Job 10:15).

Ayniwan jich ya ajojkʼoybey aba ini:

  • ¿Yuʼun-nixbal jich la skʼan-a te Dios te jich ya xkʼot ta pasel ta jtojol ini soknix ta spisil te ants winiketike?

  • ¿Banti ya xjuʼ ya jta koltayel swenta yuʼun ya xkujch kuʼun te wokoliletik ay ta jtojole?

  • ¿Aybal bin-ora ya x-ayin lamalkʼinal ta Balumilal?

Ta swenta-abi, te Biblia jamal ya yakʼbotik sujtib te jojkʼoyeletik ini.

 TE BIBLIA YA YAKʼ TA NOPEL TE YAME XBAJTʼ JELONUK YUʼUN DIOS TE BINTIK AY TA BALUMILALE.

«Ya me xcusticlambot yaʼlel sitic yuʼun te Diose; mayuquix lajel, mel-oʼtan, oqʼuel o te bin cʼux.» (Apocalipsis 21:4)

«Hich ya xwihl te coxoʼ te bin utʼil haʼmal chij.» (Isaías 35:6)

«Ya xjahm sit te tsʼoʼsitetic.» (Isaías 35:5)

 «Spisil machʼatic ayic ta muquenal [...] ya me xloqʼuic talel.» (Juan 5:28, 29)

«Mayuc machʼa [...] hich ya yal: Ayon ta chamel.» (Isaías 33:24)

«Ayuc me bayel trigo [o weʼelil] ta lumqʼuinal, ta baba witsetic.» (Salmo 72:16)

 YAME ATA LEKILAL TA SWENTA TE BIN YA YAKʼ TA NOPEL TE BIBLIAE

Mame xa anop ta oranax te lotil te bin lajelto awilbel tal ta yan pajinaetike. Jichme yaloj te Diose, melel te Bibliae ya scholbey skʼoplal te bin-utʼil ya xkʼot ta pasele.

Ma jaʼuknax ya yal-abi. Jaʼnix jich te Biblia ya yakʼ jnoptik te bin-utʼil ya xjuʼ ya jmulambeytik yutsilal te kuxlejalil ta ora ini. Nopa awaʼiy ta swenta te wokoliletik ataoje sok te bintik ya amel awoʼtan yuʼune. Jaʼniwan yuʼun te wokol ta tael te takʼine, te ay wokoliletik ta stojol te jayeb machʼatik ay awuʼune, te chamele sokniwan ay machʼa lajem awuʼun te kʼux ta awoʼtane. Ta swenta-abi, te Bibliae ya skoltayotik ta sitintayel te wokoliletik ini, soknix ya yakʼ smukʼul koʼtantik te kʼalal ya yakʼbotik sujtib te jojkʼoyeletik jich bitʼil ini:

  • ¿Bin yuʼun te ya xwoklajotike?

  • ¿Bin-utʼil ya xjuʼ ya jsitintaytik te wokoliletik te ya xkʼax ta jkuxlejaltike?

  • ¿Bin ya xjuʼ ya jpastik yuʼun ya jtatikxan tseʼel oʼtanil ta yutil jnatik?

  • ¿Bin-nix ya xkʼot ta pasel-a te kʼalal ya xlajotike?

  • ¿Aybal bin-ora yato jchaʼkiltik te machʼatik lajem kuʼuntik te kʼux ta koʼtantike?

  • ¿Bin yuʼun te ya xjuʼ ya jchʼuuntik te ya xkʼot ta pasel te bintik yaloj te Diose?

 Jich bitʼil te yakat ta skʼoponel te bintik tsʼibaybil liʼ ini ya awakʼ ta ilel te ya akʼan ya anaʼ te bin ya yakʼ ta nopel te Bibliae. Te libro ini yame skoltayat ta snaʼel. Ilawil ta banti te yeʼtal te pajinae ay yichʼoj jojkʼoyeletik ta swenta te parrafoetike. Bayal miyon ta tul ants winiketik te ya smulanik te bitʼil te testigoetik yuʼun Jehová ya stuuntesik jojkʼoyeletik sok te slebeyel sujtib te parrafoetik te kʼalal ya yichʼ nopel te Bibliae, jichuklajme ya amulan-euk te jaʼate. Akʼame skoltayat te Dios te kʼalal ya anop bael te bintik ya yakʼ ta nopel ta smelelil te Bibliae.

Naʼbeyaxan skʼoplal

¿Bin utʼil ya yichʼ akʼel te nojptesel yuʼun te Bibliae?

Ta swolol Balumilal naʼbil sba te testigoetik yuʼun Jehová ta swenta te nojptesel yuʼun Biblia te ya yakʼik te maba tojbile. Ilawil te bin utʼil ya yichʼ pasele.