Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

Te Biblia sok te bin ya xchole

Te bin ya xchol te BibliaTe bin la yichʼix nopel

Te bin ya xchol te BibliaTe bin la yichʼix nopel
  1. Te Jehová la spas te Adán sok te Eva, la yakʼ kuxinukik ta sbajtʼel kʼinal ta Nichimal kʼinal. Te Satanás la sboltesbey skʼoplal sbiil te Jehová sok la yal te maba lek te bitʼil ya xmantalteswan stukele. Te Adán sok te Eva la stʼunbeyik stalel te Pukuj ta xkʼaxuntayel mantal, jich la skʼasesbeyik jilel te mulil sok te lajel te ants winiketike

  2. Te Dios la yal te castigo te ya yichʼik te jkʼaxuntayej mantaletik sok la yal te jaʼ ta swenta jun Tsʼumbalil te ya yichʼ lajinel te Satanás sok te ya xchaʼlekubtes te bin tsʼiʼlajem jilel yuʼun te kʼaxuntayel mantal sok te mulile

  3. Te Dios la yalbey ta jamal te Abrahán sok te David te jaʼ ya xkʼotik ta antiguo smeʼstatik te Tsʼumbalil te albil skʼoplale, te jaʼ te Mesías te ya xmantalaj ta sbajtʼel kʼinal

  4. Te Jehová la stuuntes te j-alwanejetik yuʼun ya yakʼ ta naʼel te bitʼil te Mesías jaʼ ya slajinbey skʼoplal te mulil sok te lajel sok te bitʼil jaʼ ya x-och ta Ajwalil te tsabil yuʼun Dios. Soknix ya x-Ajwalin sok jtsojb ants winiketik, yuʼun jich ya slajinbeyik skʼoplal te guerraetik, te chamel soknix te lajele

  5. Te Jehová la yakʼ ta naʼel te jaʼ Mesías te Jesuse. La stikun talel ta Balumilal yuʼun ya spuk ta alel te lek yachʼil kʼop yuʼun te Ajwalinel yuʼun Dios sok te ya yakʼ sba ta lajel ta stojol te ants winiketike. Te kʼalal laje, te Jehová la xchaʼkuxajtes jich bitʼil espíritu

  6. Te Dios la yakʼ ochuk ta Ajwalil ta chʼulchan te Cristoe, sok jich jajch te slajibal kʼajkʼal yuʼun te balumilal ini. Te Jesús yak ta yilel te bin utʼil ya yichʼ pukel te lek yachʼil kʼop yuʼun te Ajwalinel yuʼun Dios ta swolol Balumilal

  7. Te Jehová ya yalbey te Xnichʼan te akʼa jajchukix ta mantalteswanej ta swenta te Balumilale. Te Ajwalinel yuʼun Dios yame slajin te chopol ajwaliletik yuʼun balumilal sok ya xchaʼpas te Nichʼimal kʼinal sok ya xchaʼyakʼbey sujtʼel te stojil xkuxlejal te ants winiketik te jun yoʼtan yakʼoj sbaike. Maʼyuk bin ora ya xba yichʼ alel te maba lek ya xmantalteswan stukel te Jehová sok chʼultesbil ya xjil te sbiil ta sbajtʼel kʼinal