Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

Aʼyejetik te lokʼem ta Biblia

 AʼIYEJ 44

Te Rahab la snakʼ te jtsajtaywanejetike

Te Rahab la snakʼ te jtsajtaywanejetike

TE WINIKETIK ini la staik kʼop. Yame skʼan xlokʼik bael ta anel, swenta yuʼun ma xyichʼik milel-a. Jaʼ jtsajtaywanej israeletik, te ants te yakalik ta koltayel yuʼune Rahab sbiil. Te sna te Rahab ay ta stsʼajkʼul te lum Jericó tey yak ta nainel-a. Yame kiltik bael te bin utʼil kʼot ta pasel spisil ini.

Te israeletik nopol ya xkʼaxikix bael ta mukʼul jaʼ Jordán yuʼun ya x-ochik bael ta Canaán. Te kʼalal mato x-ochik bael-ae, te Josué la stikun bael chaʼtul jtsajtaywanejetik. Jich la yaltiklambey: Baan ilawilik te kʼinal sok te lum Jericó.

Te kʼalal ochik bael te jtsajtaywanejetik ta Jericó, bajtʼik ta sna te Rahabe. Jaʼukmeto ay machʼa jich la yalbey te ajwalil yuʼun Jericó: Ay chaʼtul winiketik yuʼun Israel te talik ta ajkʼabal ta stsajtayel te kʼinale. Te kʼalal la yaʼiy stojol te ajwalile, la stikun bael chaʼoxtul winiketik ta stojol te Rahab te jich bajtʼ ta albeyel yuʼune: ¡Lokʼesa tal te winiketik te tal yilat te ochik ta ana! Jaʼukmeto te Rahab snakʼojix ta sba sna-a te chaʼtul winiketike. Jaʼ yuʼun jich la yal te Rahab: Ay tal winiketik ta jna, jaʼukmeto maba la jnaʼ te banti talemike. Ta yijkʼubelix kʼinal-a, te kʼalal ya xmajkix-a te yochibal te tsʼajkʼe, lokʼik bael te winiketike, jaʼukmeto ma jnaʼ te banti bajtʼike. ¡Nutsaik bael ta ora, yame ataik! Jich te winiketik bajtʼik ta animal ta sleel.

Te kʼalal bajtʼikix-a te winiketike, te Rahab mo bael ta animal ta sba sna. Jich la yalbey te jtsajtaywanejetike: Ya jnaʼ te ya yakʼbeyex te kʼinal te Jehovae. Yuʼun kaʼiyejkotik stojol te bitʼil te Jehová la stakijtesbey slumil te Mar Rojo te kʼalal lokʼex tal ta Egiptoe, sok te la amilik te ajwalil Sehón sok Og. Jich bitʼil te la jkʼuxultayexe, albonik jilel ta jamal te yakuk akʼuxultayonik euke. Koltaybonik te jtate, te jmeʼe, te jbankile, te jwixe soknix te kijtsʼinabe.

Te jtsajtaywanejetik la yalik jilel ta jamal te jich ya spasike, jaʼukmeto ay bin ya skʼan spas euk te Rahab. Jich yuʼun te jtsajtaywanejetik jich la yalik: Tsaka te tsajal chʼajan ini swenta yuʼun ya ajojkʼan ta aventana, sok tsoba tal spisil ta ana te jayeb machʼatik ay awuʼune. Te kʼalal ya xtalonkotik ta yuʼuninel te lum Jericó teme ya kilkotik te chʼajan ini mame ayuk machʼa ya jmilkotik ta yutil ana. Te kʼalal sujtik bael ta stojol Josué te jtsajtaywanejetike, la scholbeyik yaʼiy spisil te bin kʼot ta pasele.

Josué 2:1-24; Hebreos 11:31.

Naʼbeyaxan skʼoplal

Te Rahab la smukʼulin yoʼtan te Jehová

Kʼopona te aʼyej ta swenta te Rahab sok ilawil te bin yuʼun kuxul jil sok te jayeb machʼatik ay yuʼun te kʼalal la yichʼ lajinel te Jericó.