Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

Aʼyejetik te lokʼem ta Biblia

 AʼIYEJ 98

Ta wits Olivoiltik

Ta wits Olivoiltik

TE MACHʼA ay ta wits Olivoiltike, jaʼ te Jesuse. Te chantul winiketik te jokimbil yuʼune jaʼ te jpuk kʼopetik yuʼune, te Andrés, Pedro, Jacobo sok te Juan. Te mukʼul na te namal ay ta ilele jaʼme te Templo yuʼun Dios ta Jerusalén.

Ay kʼaxemix cheb kʼajkʼal-a te kajal ochel ta burro te Jesús ta Jerusalén. Martesix-a, ta sab kʼajkʼal-abi ayin ta Templo te Jesuse. Tey ta Templo te sacerdoteetik kʼan stsakik te Jesús yuʼun kʼan smilik. Jaʼukmeto xiwik, melel kʼambil yuʼun ants winiketik te Jesuse.

Te Jesús jich la yalbey te jwolwanejetik yuʼun religionetik: ¡Chanex, stsʼumbalex jtiʼawal chanetik! Tey-abi la yichʼik albeyelxan te ya yichʼik castigo yuʼun Dios ta swenta te bintik chopol spasojike. Ta patil te Jesús mo bael ta wits Olivoiltik, tey-abi te jpuk kʼopetik jajch spasbeyik jojkʼoyeletik te Jesuse: ¿Yabal anaʼ bin-a te la sjojkʼoyike?

Te jpuk kʼopetik la sjojkʼoyik ta swenta te bintik ya xkʼot ta pasel ta pajel chaʼbeje. Snaʼojik te jaʼ ya slajimbey skʼoplal spisil te bintik chopol ay ta Balumilal te Jesuse. Jaʼukmeto la skʼan snaʼik te bin ora ya xkʼot ta pasel ini. ¿Bin ora ya xchaʼtal te Jesús yuʼun ya xmantalteswan jich bitʼil ajwalil?

Snaʼoj te Jesús te ma xjuʼ ya x-ilot yuʼun te jtsʼaklinwanejetik yuʼun te kʼalal ya xchaʼtale. Jaʼ ta swenta te bitʼil ay ta chʼulchan te Jesuse, jich yuʼun ma xjuʼ ya staik ta ilel. Jaʼ yuʼun te Jesús la yalbey te jpuk kʼopetik cheʼoxebuk te bintik ya xkʼot ta pasel ta Balumilal te kʼalal ayix ta mantalteswanej ta chʼulchan-ae. ¿Bintik-a te chaʼoxpʼal skʼoplal la yalbeye?

Te Jesús la yal te yalaj xtal niwak guerraetik, te bayalaj ants winiketik ya stsakotik ta chamel, yalaj xtal wiʼnal, sok bayal bintik chopol ya xkʼot ta pasel soknix ya xtal tulan nijkʼel. Jaʼnix jich la yal te yalaj yichʼ pukel te lek yachʼil kʼop ta swolol Balumilal. ¿Jichbal kilojtikix te yak ta kʼoel ta pasel ta kʼajkʼal ini? ¡Jich! Jamal chikanix ta ilel te yakix ta mantalteswanej ta chʼulchan te Jesuse. Nopolme ya slajin te chopolil te ay ta Balumilal.

Mateo 21:46; 23:1-39; 24:1-14; Marcos 13:3-10.