Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

Aʼyejetik te lokʼem ta Biblia

SWAKEBAL PARTE

Kʼalal ayin te Jesús jaʼto te kʼalal laj baele

Kʼalal ayin te Jesús jaʼto te kʼalal laj baele

Te chʼul abat Gabriel la yichʼ tikunel bael ta stojol jtul lekil achʼix te María sbiile. Albot yuʼun te chʼul abat te yalaj sta jtul yal te ya xmantalteswan jich bitʼil ajwalil ta sbajtʼel kʼinal. Te alal te Jesús sbiile, ayin ta banti sna wakaxetik tey kʼotik ta ulaʼtayel yuʼun chaʼoxtul jkanan tuminchijetik. Ta patil, ay chaʼoxtul winiketik te talemik te banti ya xlokʼ tal Kʼajkʼal te tojobtesotik bael yuʼun jun ekʼ ta banti ay te alale. Yame jnoptik bael machʼa-a te akʼbot yilik te ekʼe, sok te bin utʼil la yichʼ koltayel te kʼalal kʼan yichʼ milel te Jesuse.

Ta patil, yame kiltik te kʼalal ayix lajchayeb yaʼbilal-a te Jesús te yak ta kʼop sok te jpʼijubteswanejetik ta Templo. Waxaklajuneb jaʼbil ta patil la yichʼ jaʼ te Jesuse, tey-abi jajch ta xcholel skʼop Dios sok la yakʼ ta nopel ta swenta te Ajwalinel yuʼun Dios, te jaʼ ta swenta te tikumbil tal yuʼun Dios ta Balumilale. Swenta ya yichʼ koltayel ta spasel te aʼtelil ini, te Jesús la stsa lajchayeb ta jtul winiketik te kʼot ta jpuk kʼopetik yuʼune.

Jaʼnix jich te Jesús la spas bayal milagroetik, melel la smakʼlin bayal ta jmil ants winiketik ta chaʼoxkojt chayetik sok chaʼoxpejch panetik. La slekubtes jchameletik sok la schaʼkuxajtes te machʼatik lajemike. Ta slajibal yame jnoptik bael ta swenta te bintik kʼot ta stojol te Jesús ta slajibal kʼajkʼal yuʼun te skuxlejale sok te bin utʼil la yichʼ milele. Jteb ma sta oxeb jaʼbil sok olil te la schol skʼop Dios te Jesús. Jich yuʼun kʼaxem jtebuk ta 34 jaʼbil smakoj te SWAKEBAL PARTE ini.

 

TA SECCION INI

AʼIYEJ 84

Ulaʼtayot yuʼun jtul chʼul abat te María

Te chʼul-abat ay bin la yalbey te María: te yax ba ayinuk jtul alal yuʼun sok te ya xkʼot ta ajwalil ta sbajtʼel kʼinale.

AʼIYEJ 85

Ayin ta sna wakax te Jesuse

¿Bin yuʼun ayin ta sna wakax te machʼa ya xkʼot ta ajwalil ta pajel chaʼbeje?

AʼIYEJ 86

La stʼunik bael jun ekʼ

¿Bin yuʼun la yichʼik tikunel bael ta stojol Jesús te pʼijil winiketike?

AʼIYEJ 87

Te jchʼiel kerem Jesús ay ta Templo

Ay bin chajpnax la yilbeyik-a te Jesús te jpʼijubteswanejetik te ayik ta Temploe.

AʼIYEJ 88

Te Juan la yakʼbey yichʼ jaʼ te Jesús

Te Juan la yakʼbey yichʼ jaʼ te jmulawil ants winiketike. Te Jesús maʼyuk bin-ora la spas mulil stukel. Jaʼukmeto, ¿bin yuʼun la yichʼ jaʼ?

AʼIYEJ 89

Ay ta Templo te Jesuse

Te Jesús la yakʼ ta ilel kʼuxul oʼtanil te la yakʼ ilinuk yuʼune.

AʼIYEJ 90

Te Jesús sok jtul ants ta poso

¿Bin swentail te jaʼ te la sjap te Jesús maba ya yakʼix takin tiʼil ta jakʼaxel ta swenta te machʼa ya yuchʼe?

AʼIYEJ 91

Nojpteswan ta wits te Jesuse

Nopaxan ta swenta te bin nojpteswan te Jesús tey ta Sermón del Monte.

AʼIYEJ 92

Te Jesús la schaʼkuxajtes te machʼatik lajemike

Te Jesús la stuuntes te yuʼel Dios sok la yal cheb kʼopetik kʼalal la schaʼkuxajtes te yantsil nichʼan te Jairoe.

AʼIYEJ 93

Bayal machʼatik la smakʼlin te Jesuse

Ta swenta te milagro la spas te Jesuse, ¿bin mukʼ skʼoplal la yakʼ jnoptik?

AʼIYEJ 94

Kʼux ta yoʼtan te alaletike

Te Jesús ma jaʼuknax la snojptes te jpuk-kʼopetik yuʼun te yakuk snopbeyik stalel te tut alaletike.

AʼIYEJ 95

Te bin-utʼil nojpteswan te Jesuse

Te lokʼomba kʼop te la stuuntes te Jesús ta swenta te jtul samaritano, jaʼ jun lokʼomba kʼop te spisil-ora ya yichʼ tuuntesele.

AʼIYEJ 96

La slekubtes jchameletik te Jesús

¿Bin la yak ta nael te jesus sok te milagroetik te la spase?

AʼIYEJ 97

Och tal bitʼil ajwalil te Jesuse

Bayal ta tul ants winiketik kʼot staik talel te Jesuse, jaʼukmeto maba spisil te ants winiketik tseʼel yoʼtanik yuʼun.

AʼIYEJ 98

Ta wits Olivoiltik

Te Jesús yak ta scholbeyel te jpuk-kʼopetik yuʼun te bintik yak ta kʼaxel ta kʼajkʼal ini.

AʼIYEJ 99

Te kuarto te ay ta ajkʼole

¿Bin yuʼun la yal te Jesús te ya skʼan ya spasik te jnopojeletik ta jujun jaʼbile?

AʼIYEJ 100

Te Jesús ay ta Getsemaní

¿Bin yuʼun te Judas la yak ta kʼabal te Jesuse kʼalal la yujtsʼiye?

AʼIYEJ 101

La smilik te Jesuse

Te Kʼalal jipil ta teʼ te Jesuse, la yalbey skʼoplal ta swenta te Nichimal kʼinal.

Naʼbeyaxan skʼoplal

¿Machʼa-a te Jesucristoe?

Ilawil bin yuʼun laj te Jesuse, bin utʼil ya jtatik jkoleltik yuʼun, bin yak ta spasel ta ora ini.