Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

Aʼyejetik te lokʼem ta Biblia

SJUKEBAL PARTE

Kʼalal chaʼkuxaj te Jesús jaʼto te kʼalal la yichʼ chukel te Pabloe

Kʼalal chaʼkuxaj te Jesús jaʼto te kʼalal la yichʼ chukel te Pabloe

Te Jesús la yichʼ chaʼkuxajtesel te kʼalal kʼaxemix oxeb kʼajkʼal slajel-ae. Ta kʼajkʼal-abi joʼeb buelta la yakʼ sba ta ilel ta stojol te jnopojeletik yuʼune, soknix la yakʼxan sba ta ilel ta 40 kʼajkʼal. Ay chaʼoxtul jnopojeletik te la yilik te bitʼil mo bael ta chʼulchan te Jesuse. Lajuneb kʼajkʼal ta patil, te Dios la yakʼbey chʼul espíritu te jnopojeletik yuʼun te Jesús te yakalik ta smaliyel ta Jerusalene.

Te kʼalal kʼax te kʼajkʼale akʼotik ta chukel yuʼun skontratak Dios te jpuk kʼopetike, jaʼukmeto la yichʼik koltayel yuʼun jtul chʼul abat. Te jnopojel Esteban la yichʼ chʼojel ta ton yuʼun te jkontrainwanejetike. Sok yame jnoptik bael te bin utʼil ay jtul jkontrainwanej te la yichʼ tsael yuʼun Jesús ta swenta jun aʼtelil te bayal skʼoplale, jaʼ ini jaʼ te jpuk kʼop Pabloe. Te kʼalal kʼaxix oxeb jaʼbil sok olil slajel-a te Jesuse, te Pedro la yichʼ tikunel bael yuʼun Dios ta xcholbeyel skʼop Dios yaʼiy te Cornelio te ma judío winikuk sok te jayeb machʼatik ay yuʼun ta snae.

Ayniwanix yoxlajunebal jaʼbil ta patil, te Pablo jajch ta beel ta sbabial buelta ta xcholel te skʼop Diose. Ta xchebal buelta jokinot bael yuʼun te Timoteoe. Te Pablo sok te sjoʼtak ta beele bayal bintik tʼujbil kʼax ta skuxlejalik te kʼalal yakalik ta spasbeyel yaʼtel-a te Diose. Ta patil la yichʼ chukel ta Roma te Pabloe ta xchebal jaʼbil jil ta libre. Jaʼukmeto la schaʼyichʼ chukel ta patil sok la smilik. Jich yuʼun kʼaxem jtebuk ta 32 jaʼbil smakoj te SJUKEBAL PARTE ini.

 

TA SECCION INI

AʼIYEJ 102

Kuxul te Jesús

Ta patil te chʼul-abat la sbalchʼun te ton yuʼun te mukenal te banti ay-a te Jesuse, te soldadoetike chamnax yoʼtanik yuʼun te kʼalal la yilik te mukenale.

AʼIYEJ 103

Makalik ta yutil na

¿Bin yuʼun maba la snaik ta ora te jnopojeletik te jaʼ Jesús te kuxule?

AʼIYEJ 104

Sujt bael ta chʼulchan te Jesuse

Kʼalal nopol ya xmoix bael ta chʼulchan te Jesuse, la yal te slajibal mantalil ta stojol te jnopojeletik yuʼune.

AʼIYEJ 105

Ay bin la smaliyik ta Jerusalén

¿Bin yuʼun te Jesús la smal koel tal te chʼul espiritu ta stojol te jnopojeletik ta skʼajkʼalel te kʼin yuʼun pentecostés?

AʼIYEJ 106

La yichʼik lokʼesel ta chukjibal

Te jwolwanejetik yuʼun judioetik la yakʼ ta chukel te jnopojeletike yuʼun jich ya skom sbaik ta scholel te skʼop Diose, jaʼukmeto te Dios ay bin snopoj ya spas.

AʼIYEJ 107

La yichʼ chʼojel ta ton te Esteban

Kʼalal mato yichʼoj milel-a te Estebane, la skʼopon Dios te kʼax mukʼ skʼoplale.

AʼIYEJ 108

Ta sbelal Damasco

Jun xojobil te xlemetnax tupʼbot sit te Saulo sok jun-nax kʼop te lokʼ tal ta chʼulchan jeltabot te skuxlejale.

AʼIYEJ 109

Te Pedro la yulaʼtay te Cornelio

¿Yanbal ya yil Dios te machʼatik yan stsʼumbalik o te talemik ta yan nasion?

AʼIYEJ 110

Te Timoteo la skoltay te Pabloe

Te Timoteo la yijkʼitay te sna swenta ya sjokin te Pablo ta scholel te skʼop Dios te kʼax mukʼ skʼoplale.

AʼIYEJ 111

Jtul kerem te waye

Te Eutico tsakot ta wayel kʼalal yak ta yakʼel te sbabial pʼijubtesel te Pabloe, ma jaʼuk tey ta schebale. Te bin kʼot ta pasel ta schebal pʼijubtesele jaʼ te milagroe.

AʼIYEJ 112

Kuxul kʼotik ta kʼinal ta yolil mar

Kʼalal la skuyik te maba ya xkolikix ta jkʼaxele, te Pablo ay bin la yichʼ albeyel yuʼun Dios te jaʼ akʼbot smukʼul yoʼtanik yuʼun.

AʼIYEJ 113

Ay ta Roma te Pabloe

¿Bin-utʼil ya xjuʼ yuʼun spasel yaʼtel ta jpuk-kʼop te Pablo te bitʼil chukule?