Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Aʼyejetik te lokʼem ta Biblia

XCHEBAL PARTE

Ta Pulemal jaʼto te kʼalal kolik lokʼel ta Egipto te israeletike

Ta Pulemal jaʼto te kʼalal kolik lokʼel ta Egipto te israeletike

Jaʼnax kuxinik jilel waxaktul te kʼalal kʼax te Pulemale, jaʼukmeto, te kʼalal kʼax bayal te jaʼbile bayal ta jmil la spʼol sba te ants winiketike. Te kʼalal kʼaxix-a te Pulemale, kʼax 352 jaʼbil, tey-abi ayin te Abraham (Abrahán). Ya jnoptik bael bin utʼil kʼot ta pasel te bin la yal te Dios te kʼalal la yakʼbey jtul snichʼan te Abraham te la sbiilin Isaac. Ta xchaʼtulul te snichʼnab te Isaac, jtulnax la yichʼ tsael yuʼun Dios te jaʼ te Jacobe.

Te Jacob la sta bayal snichʼnab ay lajchayeb ta jtul keremetik sok chaʼoxtul achʼixetik soknix chaʼoxtul yinam. Te lajuntul snichʼnab te Jacobe la sbikʼtal oʼtantayik te José te yijtsʼinike, sok la schonik bael swenta yuʼun ya xkʼot ta mosoinel ta Egipto. Ta patil te José mukʼ skʼoplal kʼot, melel och ta ajwalil ta lum Egipto. Kʼalal tal tulan wiʼnal, te José ay bin la spas yuʼun la stsajtaybey yoʼtan te sbankiltak yuʼun jich la yil-a teme jelonix te stalelike. Ta patil spisil te machʼatik ay yuʼun te Jacobe, te israeletike, bajtʼik ta nainel ta Egipto. Jaʼ ini kʼot ta pasel te kʼalal kʼaxemix 290 jaʼbil yayinel-a te Abraham.

Te 215 jaʼbil kʼax baele kuxinik ta Egipto te israeletike. Te kʼalal lajemix-a te José la yichʼik mosoinel ta Egipto. Kʼalal kʼax bael te jaʼbile ayin te Moisés sok tuuntesot yuʼun Dios swenta yuʼun ya slokʼes tal ta Egipto te israeletike. Smakoj 857 jaʼbil ta spisil te aʼyej ya yichʼ cholel ta XCHEBAL PARTE.

 

TA SECCION INI

AʼIYEJ 11

Chiknaj te sbabial arco iris

Kʼalal ya awil jun arco iris, ¿bin ya skʼan ya yakʼ xjul ta awoʼtan yuʼun?

AʼIYEJ 12

Jajch spasik mukʼul toyol tsʼajkʼ te ants winiketike

Te Dios maba lek la yil te bin la spasike, te kastigo akʼbotike yato yutsʼinotik ta ora ini.

AʼIYEJ 13

Amigoinot yuʼun Dios te Abrahame

¿Bin yuʼun te Abraham la yijkʼitay te stʼujbil sna swenta ya xkuxin ta nail pakʼetik te jayeb kʼajkʼal kuxul-ae?

AʼIYEJ 14

La yichʼ ilel xchʼuunel yoʼtan te Abraham

¿Bin yuʼun te Dios la sjojkʼoybey te Abraham teme ya skʼan yakʼ ta milbil majtʼanil te snichʼan Isaac?

AʼIYEJ 15

La sut sit ta spat te yinam Lot

Te bin lek ya xjuʼ ya snojptesotik te bin kʼot ta pasele.

AʼIYEJ 16

Jtul lekil ants te ya xnujpun sok te Isaac

¿Bin la spas te Rebeca yuʼun jich lek kʼot ta inamil-a? ¿Jaʼbal te stʼujbilale o yan bintik-a?

AʼIYEJ 17

Lo-alaletik te maba pajalike

Te statik Isaac, kʼux la yaʼiyxan ta yiʼtan te Esaú, jaʼukemto te smeik te Rebeca, kʼux la yaʼiyxan ta yoʼtan te Jacob.

STORY 18

Te Jacob ya xbajtʼ ta Harán

Te Jacob jaʼ nail nujpin sok te Lea, manchukme jaʼ kʼux ta yoʼtan te Raquele.

AʼIYEJ 19

Bayal ta jtul te machʼatik ay yuʼun te Jacobe

¿Yichʼojikbal sbiil te slajchayebal snichʼab Jacob te slajchayebal ta chajp stsʼumbal Israele?

AʼIYEJ 20

La schʼik sba ta tulan kʼop te Dinae

La yichʼtael wokolil ta skaj tem aba la yichʼ tsael lekil amigoetik.

AʼIYEJ 21

La yichʼ ilayel yuʼun sbankiltak te José

¿Bintik la spasik yuʼun kʼan smilik te yijtsʼiniknixe?

AʼIYEJ 22

Te José ochem ta chukel

Maba la yichʼ tikunel ta chikel te José yuʼun te la skʼaxuntay mantal, melel spisil-ora la spas te bin stojile.

AʼIYEJ 23

Te wayichiletik yuʼun te Faraón

Te juk-kojt wakaxetik sok te jukchej trigo ay bin-a te pajalike.

AʼIYEJ 24

Te José la stsajtaybey yoʼtan te sbankiltake

¿Bin-utʼil yax juʼ sna teme yuʼun-nix jelonem stalelik-a te sbankiltak jaʼto te kʼalal ya schonike?

AʼIYEJ 25

Bajtʼik ta nainel ta Egipto

¿Bin yuʼun te yal snichʼnab Jacob la yichʼik biiltesel israeletik te maba la sbiilinik snichʼnab Jacob?

AʼIYEJ 26

Te Job jun yoʼtan la yakʼ sba ta stojol te Diose

Te Job tupʼ te skʼulejale, la sta chamel, sok la sta swokol spisil te yal snichʼane. ¿Jaʼbal kastigo yuʼun te Diose?

AʼIYEJ 27

Jtul chopol ajwalil te mantalaj ta Egipto

¿Bin yuʼun la yakʼ ta milel te alal keremetike?

AʼIYEJ 28

Maba la yichʼ milel te alal Moisés

Te smeʼ Moisés la sta jun mantalil te banti ya yal te spisil te alal kerem israeletik ya skʼan ya yichʼik milele.

AʼIYEJ 29

¿Bin yuʼun te lokʼ bael ta anel te Moisés?

Te Moisés la skuy te chapalix ta skoltayel te israeletik te kʼalal ayix 40 yaʼbilal-ae, jaʼukmeto mato yorailuk-a.

AʼIYEJ 30

Jpejt chʼix te yak ta tilele

La stuuntes bayal milagroetik, te Dios la yalbey Moisés te akʼa yalbey israeletik te ya xlokʼik bael ta Egipto.

AʼIYEJ 31

Te Moisés sok te Aarón bajtʼ yilik te Faraón

¿Bin yuʼun maba la schʼuun sok la yakʼ lokʼel israeletik te Faraone?

AʼIYEJ 32

Te lajunchajp wokoliletik

Te lajuneb wokoliletik kʼax ta Egipto jaʼ ta skaj te kʼaxel maba schʼuun kʼop te Faraón sok maba la stikun bael te israeletike

AʼIYEJ 33

Kʼaxik ta Mar Rojo

Te Moisés la xat te Mar Rojo ta yuʼel Dios sok takin te be kʼaxik ta jejch jaʼ te israeletike.