Ochan ta banti te bintik yichʼoje

Ochan ta banti bintik jujunchajp yichʼoje

sTestigotak te Jehová

tseltal

¿Machʼanix ay ta skʼab-a te balumilale?

¿Machʼanix ay ta skʼab-a te balumilale?

Yaniwan awal te...

  • jaʼ te Diose.

  • jaʼ te ants winiketike.

  • yan machʼa te ma jnaʼbeytik sbae.

 TE BIN YA YAL TE BIBLIAE

«Te balumilale, spisil ay ta scʼab te pucuje.» (1 Juan 5:19, Xchʼul Cʼop Dios ta Tzeltal.)

«Ha scuentahil te chicnaj te Snichʼan Dios, yuʼun ya slajimbe yaʼtel te pucuje.» (1 Juan 3:8, Scʼop Dios Tzeltal.)

¿BIN UTʼIL YA SKOLTAYOTIK TA SNAʼBEYEL TE SUJTIB TE JOJKʼOYELE?

Yame xkʼot ta koʼtantik te bantito jajchem tal te kʼopetik te ay ta Balumilale (Apocalipsis 12:12).

Ayme chaʼoxchajp te bin yuʼun ya jmaliytik te ya xlekub te bintik yak ta kʼaxel ta Balumilale (1 Juan 2:17).

 ¿YANIXBAL XJUʼ YA JCHʼUUNTIK-A TE BIN YA YAL TE BIBLIAE?

Yak, ay oxchajp te bin yuʼune:

  • Te wentainel yuʼun te Satanase yame xlaj skʼoplal. Jich bitʼil te ay ta skʼab te Satanás te ants winiketike, te Jehová snopojix te ya slajimbey skʼoplal te wentainel yuʼune, melel jich jamal yaloj te «ya slajin [...] te pucuje» sok ya slekubtes spisil te bintik sbolobtesoje (Hebreos 2:14Scʼop Dios Tzeltal).

  • Te Jesucristo jaʼme te ajwalil te tsabil yuʼun te Diose. Te Jesuse mame spaj stukel te machʼa swentainoj te balumilal ta ora ini te kʼax chopol sok te maʼyuk skʼoplal ta yoʼtan te yantike. Te Diose jich jamal yaloj ta swenta te kʼalal ya xmantalaj te Cristoe: «Ya me snaʼbe yoʼbolil sbahic te pobre soc te machʼa mayuc bin ay yuʼun; [...]. Ya me scoltaylan ta wocol soc ta utsʼinel» (Salmo 72:13, 14).

  • Te Diose ma spas lot stukel. Te Biblia jich jamal ya yal, «ma xhuʼ ya spas lot [...] te Diose» (Hebreos 6:18). Jich yuʼun teme ay bin jamal yaloj te Jehovae, yananixme xkʼot ta pasel yuʼun-a (Isaías 55:10, 11). Te bin jamal yalojbey skʼoplale jaʼ te ya yichʼ chʼojel lokʼel te ajwalil yuʼun te balumilal ini (Juan 12:31).

 JOJKʼOYBEYA ABA

¿Binwan yilel ya xkʼot te balumilal te kʼalal maba jaʼ ayix ta skʼab-a te Satanase?

Yame atabey sujtib ta Biblia ta SALMO 37:10, 11 sok ta APOCALIPSIS 21:3, 4.

Naʼbeyaxan skʼoplal

LEK YACHʼIL KʼOP TE TALEM TA STOJOL DIOS

¿Bin-a te skʼanojel yoʼtan Dios ta swenta te Balumilale?

Te Biblia ya schol te bin yuʼun la spas Balumilal te Diose, sok te bin ora ya xlaj te wokolile, sok bin ya xkʼot ta pasel ta pajel chaʼbej soknix ta swenta te machʼatik ya xkuxinik tey-ae.