Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

¿Binwan ya awal yuʼun ta swenta te Bibliae?

¿Binwan ya awal yuʼun ta swenta te Bibliae?

¿Binwan ya awal yuʼun ta swenta te Bibliae?

Yaniwan awal te...

  • skʼopnax winiketike.

  • lotil kʼopetiknaxe.

  • jaʼ sKʼop te Diose.

 TE BIN YA YAL TE BIBLIAE

«Spisil te bila tsʼibubil ta Sjun te Diose, loqʼuem tel ta yoʼtan te Diose.» (2 Timoteo 3:16, Xchʼul Cʼop Dios ta Tzeltal.)

¿BIN UTʼIL YA SKOLTAYOTIK TA SNAʼBEYEL TE SUJTIB TE JOJKʼOYELE?

Yame jtabeytik lek sujtib te jojkʼoyeletik te tulan skʼoplal ta swenta te jkuxlejaltike (Proverbios 2:1-5).

Yame jtatik lek tojobtesel ta swenta te bitʼil ya xkuxinotik ta jujun kʼajkʼal (Salmo 119:105).

Ayme bin ya yakʼbotik jmaliytik ta pajel chaʼbej (Romanos 15:4).

 ¿YANIXBAL XJUʼ YA JCHʼUUNTIK-A TE BIN YA YAL TE BIBLIAE?

Yak, ay oxchajp te bin yuʼune:

  • Ma skontrain sba te bin ya yale. Kʼaxem ta cuarenta ta jtul winiketik la stsʼibayik te Biblia te jalaj tal ta pasel mil seiscientos jaʼbil. Jteb ma spisilukik te machʼatik la stsʼibayik te Bibliae yanyantik jaʼbil kuxinik, jaʼukmeto te bin ya yal te Bibliae, maba ya skontrain sba sok junax te bin ya yalbey skʼoplale.

  • Te machʼatik la stsʼibayik te Bibliae maʼyuk bin la smuk ta yoʼtanik. Te winiketik te ya stsʼibayik te bintik kʼoem ta pasel ta nameye, maba ya yalik ta jamal teme ay ya yichʼ tsalel te lum yuʼunike. Yan stukel te machʼatik la stsʼibayik te Bibliae, maba la smuk ta yoʼtanik te smulike soknix te smul te lum yuʼunike (2 Crónicas 36:15, 16; Salmo 51:1-4).

  • Te albil kʼopetik yichʼoje spisilnanix ya xkʼot ta pasel-a. Te kʼalal mato yichʼoj lajinel-a te antiguo lum Babiloniae, ayix doscientos jaʼbil yalojbeyix skʼoplal stukel-a te Biblia te jich ya xkʼot ta pasele (Isaías 13:17-22). Ma jaʼuknax la yalbey skʼoplal te bitʼil ya yichʼ lajinel te lume, jaʼnix jich la yalbey sbiil te machʼa ya yuʼunin te lume (Isaías 45:1-3).

    Ay yantikxan albil kʼopetik yichʼoj te Biblia te kʼotik ta pasel jichnix te bitʼil albil jilel skʼoplale. Jich yuʼun, ¿mabal yakuk yakʼ ta ilel te yuʼunix jaʼ-a te sKʼop Diose? (2 Pedro 1:21.)

 JOJKʼOYBEYA ABA

¿Bin utʼil ya xjuʼ ya skoltayon ta jkuxlejal te sKʼop Diose?

Yame atabey sujtib ta Biblia ta ISAÍAS 48:17, 18 sok ta 2 TIMOTEO 3:16, 17.

Naʼbeyaxan skʼoplal

¿Yuʼunixbal talem ta stojol Dios-a te lek yachʼil kʼop te ay ta Bibliae?

¿Bin utʼil ya xjuʼ ya jnaʼtik teme yuʼunix smelelil-a te bin ya yal te Bibliae?