Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS ENERO 2016

 KAKʼTIK TA ILEL TE JCHʼUUNEJTIK DIOSE

Jaʼ jun mukʼul majtʼanil te spasel sok te skanantayel te banti ya jtsob jbatike

Jaʼ jun mukʼul majtʼanil te spasel sok te skanantayel te banti ya jtsob jbatike

Kʼalal la yichʼ pasel te templo ta Israel la yichʼ pasel tulan aʼtelil sok la yichʼ bayal takʼin, jaʼukmeto te israeletike koltaywanik sok spisil yoʼtanik (1Cr 29:2-9; 2Cr 6:7, 8). Te israeletike la yakʼik ta ilel te bin-utʼil ay te schʼuunel yoʼtanik te kʼalal koltaywanik ta slekubteselxan te templo kʼalal juʼemix-ae (2Re 22:3-6; 2Cr 28:24; 29:3). Ta ora ini, te j-abatetik yuʼun Dios ya yakʼik bayal stiempoik sok yipik ta swenta spasel, skusel sok ta lekubteselxan te sNail Tsoblejetik soknix te sNail mukʼul Tsoblejetike. Ta spisil te aʼtelil-abi chʼultesbil kʼoem. ¿Mabal jichuk te jaʼ jun majtʼanil te jich ya x-aʼtejotik ta stojol te Jehovae? (Sl 127:1; Ap 7:15).

¿BIN-UTʼIL YA XJUʼ XKOLTAYWANOTIK?

  • Yame skʼan lek ya kijkʼitaytik te sNail Tsoblej te jujun buelta ya jtsob jbatike. Yame skʼan ya kiltik te manchuk ayuk yabakul sok te lekuk ya xjil te banti najkajotike.

  • Bayal skʼoplal te ya skʼan ya kakʼtik koltayel ta swenta te programa te bin-ora ya yichʼ kusel sok ta slekubteselxan te sNail Tsobleje. Teme bayal machʼatik ya xkoltaywanike kʼun ta pasel sok ya yichʼ pasel sok tseʼel-oʼtanil (lv paj. 107, parr. 18).

  • Ya xjuʼ ya kakʼtik majtʼan takʼin. Te Jehová lek ya yil te kʼalal ay bin ya kakʼbeytik sok spisil koʼtantike, manchukme jaʼnax «cheb tut cobre-taqʼuin» te maʼyuk lek skʼoplale (Mr 12:41-44).

  • Teme maʼyuk bin ya smakotike, ya xjuʼ ya jap jbatik ta koltaywanej ta spasel sok ta schaʼpaselxan te naetik te banti ya kichʼtik ta mukʼ te Jehová. Ma puersauk ya jnaʼtik spasel naetik yuʼun ya xkoltaywanotik.