Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS ENERO 2016

 KʼULEJALIL TE AY TA BIBLIA | ESDRAS 6-10

Te Jehová ya skʼan te spisil koʼtantik ya kakʼ jbatik ta abatinel ta stojole

Te Jehová ya skʼan te spisil koʼtantik ya kakʼ jbatik ta abatinel ta stojole

Te Esdras la schajpan te namal beel ta Jerusalén

7:6, 22; 8:26, 27

  • Te ajwalil Artajerjes la yakʼbey permiso te Esdras yuʼun ya xchaʼsujt ta Jerusalén ta sjachel te smelelil yichʼel ta mukʼ te Jehovae

  • Te ajwalile la yakʼbey te Esdras spisil te bintik tuun ta sna Jehová: oro, plata, trigo, vino, aceite sok atsʼam. Ta kʼajkʼal ini, te jayeb takʼin yichʼoj spisil-abi kʼaxem ta 100,000,000 dolar

Te Esdras la smukʼulin yoʼtan te Jehová te ya skanantay te j-abatetik yuʼune

7:13; 8:21-23

  • Te sujtel tal ta Jerusalén ay swokolil

  • Te be te bantiniwan la stʼunike yichʼojniwan 1,600 kilometro (1,000 millas) sok xiʼbantik sba

  • Te beele jalajniwan chaneb u

  • Te machʼatik sujtik tale la skʼan tulanuk schʼuunel yoʼtanik, skʼuxul yoʼtanik ta swenta te smelelil yichʼel ta mukʼ Dios sok te manchuk xiwike

TE ESDRAS LA YICHʼ BAEL . . .

Bayal oro sok plata te kʼaxem ta 750 talento yalal o pajal yalal sok oxkojt mukʼul elefanteetik ta África

LA SITINTAY SBAIK SOK . . .

Jkontrainwanejetik ta be, te jochol takin kʼinal sok chambalametik te xiʼbantik sbae