Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS ENERO 2016

 KAKʼTIK TA ILEL TE JCHʼUUNEJTIK DIOSE

Lekubtesa te bin-utʼil ya achol te skʼop Diose: akʼa yichʼ alel te bin ya yichʼ nopel ta yan bueltae

Lekubtesa te bin-utʼil ya achol te skʼop Diose: akʼa yichʼ alel te bin ya yichʼ nopel ta yan bueltae

TE BIN YUʼUN TULAN SKʼOPLALE:

Ya skʼan ya kakʼbeytik yaʼlel kʼoem te smelelil kʼop ya jtsʼuntike (1Co 3:6). Teme ay la jtatik ants winik te la schʼam yaʼiy te skʼop Diose, kʼax lek te ya kalbeytik jun jojkʼoyel te ya kakʼbeytik sujtib te kʼalal ya jchaʼulaʼtaytike, ta swenta-abi yame xtijbot yoʼtan ta snaʼbeyel te sujtibe sok jich ma tulanuk ya kaʼiytik-euk te kʼalal ya jchajpan jbatik ta schaʼulaʼtayele. Te kʼalal ya xchaʼsujtotike ya xjuʼ ya kalbeytik te tal kakʼbeytik sujtib te jojkʼoyel la kaltik jilel te yan tal bueltae.

TE BIN-UTʼIL TA PASEL:

  • Te kʼalal ya achajpan te bin ya awalbey te ants winik kʼalal ya achol skʼop Dios ta nanatik, nopa te bin jojkʼoyel ya awalbey jilel yuʼun ya asutbey te kʼalal ya achaʼulaʼtaye. Ya xjuʼ ya atsa ta junetik kuʼuntik te ya yakʼbey sujtibe. Jaʼnix jich ya xjuʼ ya ale ta junetik te ya jtuuntestik ta yakʼel ta nopel te Bibliae sok ya xjuʼ ya awakʼbey yil te kʼalal ya achaʼulaʼtaye.

  • Te kʼalal ya xlaj awoʼtan ta kʼop sok te ants winik te la schʼam yaʼiy te skʼop Diose, albeya te ya amulanxan ya xkʼopojat sok ta yan buelta soknix albeya te jojkʼoyel ya akʼan ya asutbey ta yan bueltae. Teme ya xjuʼe kʼanbeya te dirección yuʼune o te snumeroil stelefono.

  • Teme la awalbey te jayeb ora ya xkʼoate, kʼotesa ta pasel (Mt 5:37).