Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS ENERO 2016

 KʼULEJALIL TE AY TA BIBLIA | 2 CRÓNICAS 33-36

Te Jehová bayal skʼoplal ta yoʼtan te machʼa ya sujtes yoʼtan ta smelelile

Te Jehová bayal skʼoplal ta yoʼtan te machʼa ya sujtes yoʼtan ta smelelile
SJELBEYEL YELAW
Lokʼomba
Sjelbeyel yelaw

MANASÉS

Te Jehová la yakʼ te la yichʼ tsakel bael yuʼun asirioetik sok la yichʼ chukel bael ta kadena ta Babilonia

KʼALAL MATO YICHʼOJ TSAKEL BAELE

  • La spastiklanbey skajtijib chikʼbil majtʼanil yuʼun lotil diosetik

  • La yakʼ ta chikʼbil majtʼanil te snichʼnabe

  • La yakʼ ta malbeyel schʼichʼel te machʼa maʼyuk smule

  • La sjach ta spamal lum yuʼun Israel te skʼoponel chopol espirituetik

KʼALAL LIBRE AYIX-AE

  • Pekʼel la yakʼ sba ta stojol Dios

  • La skʼopon Jehová sok la yakʼbey chʼikbil majtʼanil

  • La slokʼeslan te skajtijib chikʼbil majtʼanil yuʼun te lotil diosetike

  • La yalbey bayal buelta te lum Israel te akʼa yakʼ sbaik ta abatinel ta stojol Jehová

JOSÍAS

TE JAYEB JAʼBIL AʼTEJ TA AJWALIL

  • La sle te Jehovae

  • La slokʼes te bintik ma xtuun ta Judá sok ta Jerusalén

  • La schaʼlekubtesxan te sna Jehová; la staik te libro yuʼun Ley