Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik  |  Septiembre yuʼun 2017

 KAKʼTIK TA ILEL TE JCHʼUUNEJTIK DIOSE

Akʼbeya snopik te spisil-ora ya skʼan ya x-abatinik ta stojol te Jehovae

Akʼbeya snopik te spisil-ora ya skʼan ya x-abatinik ta stojol te Jehovae

Teme sjajchibalto ya yichʼ pʼijubtesel ta scholel skʼop Dios ta spisil-ora sok sbujtsʼ yoʼtan te yachʼil jcholkʼope, jichme ya xkʼot ta lekil jcholkʼop (Pr 22:6; Flp 3:16). Kiltik chaʼoxchajp te bin-utʼil ya xjuʼ ya akoltay te machʼa ya awakʼbey snop te Biblia yuʼun lek ya sjach te yaʼtel ta scholel skʼop Dios:

  • Te kʼalal ochix ta jcholkʼop-a te machʼa ya awakʼbey snop te Bibliae, jajchan ta spʼijubtesel (km-S 8/15 paj. 1). Albeya te mukʼ skʼoplal te ya skʼan ya slokʼesbey stiempoil te scholel skʼop Dios ta jujun semanae (Flp 1:10). Lekukme te bin ya awal ta swenta te bin yilel te ants winiketik ta territorioe (Flp 4:8). Tijbeya yoʼtan yuʼun ya xlokʼ ta scholel skʼop Dios sok te superintendente yuʼun grupo sok yantik jcholkʼopetik yuʼun jich ya snop te bin-utʼil ya scholik te skʼop Diose (Pr 1:5; km-S 10/12 paj. 6, parr. 3).

  • Te kʼalal yichʼojix jaʼ-a te machʼa ya awakʼbey snop te Biblia akʼbeyaxan smukʼul yoʼtan sok chajpanaxan ta swenta te scholel skʼop Diose, kʼaxemtoxan-a teme yakexto ta snopel te libro «Skʼuxul yoʼtan te Diose» (km-S 12/13 paj. 7).

  • Teme ay ya xlokʼat ta scholel skʼop Dios sok te yachʼil jcholkʼope, mame kʼax chujkʼuluk te bitʼil ya achol te skʼop Diose. Jaʼnix jich albeya lek skʼoplal te kʼalal ya xlaj yoʼtan ta scholbeyel skʼop Dios jtul ants winike. Albeya chaʼoxchajp te banti ya skʼan ya xlekubxane (km-S 5/10 paj. 7).