Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS OCTUBRE 2016

 KAKʼTIK TA ILEL TE JCHʼUUNEJTIK DIOSE

¿Yakatbal ta stuuntesel te tarjeta yuʼun jw.org?

¿Yakatbal ta stuuntesel te tarjeta yuʼun jw.org?

Te scholel skʼop Diose oranax ya skʼan pasel, melel kʼax nopolix te tulan wokolile (Pr 24:11, 12, 20). Te bin-utʼil ya xjuʼ ya jkoltaytik te ants winiketike jaʼ te ya jtuuntestik te tarjetaetik yuʼun jw.org te banti ya x-akʼbot yilik te sKʼop Diose sok te pajina kuʼuntik ta Internet. Te tarjetaetik ay yichʼoj código te banti ya yakʼ ta ilel te video, ¿Bin yuʼun ya skʼan ya jnoptik te Bibliae? sok te bin-utʼil ta kʼanel nojptesel yuʼun Biblia. Ay machʼatik ma skʼan ya stsakik te junetik kuʼuntike, jaʼukmeto ya skʼan ya yilik te bintik ay kuʼuntik ta pajina jw.org. Teme ay jich-abi, mame xcheʼbetuk awoʼtan ya awakʼbey te tarjetae. Jaʼnax yuʼun mame xa awakʼbey te machʼatik maʼyuk skʼoplal ta yoʼtanik te skʼop Diose.

Te kʼalal yakotik ta spasel kaʼteltik-ae xjuʼ ya jtijbeytik yoʼtan te yantik te kʼalal jich ya kalbeytik ini: «Ya jkʼan ya kakʼbat te tarjeta ini, yichʼoj pajina yuʼun Internet te bayal bintik ya yal tey-ae sok videoetik te yanyantik tema ya yalbey skʼoplal te maba ya atoje» (Jn 4:7). Jich bitʼil tutiknax te tarjetaetike, ya xjuʼ ya akuch spisil-ora swenta ya ajap te kʼalal ay machʼa ya smulane.