Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Octubre yuʼun 00ok

 KʼULEJALIL TE AY TA BIBLIA | PROVERBIOS 1-6

«Jcʼaxel acʼa smucʼulin awoʼtan te Jehová»

«Jcʼaxel acʼa smucʼulin awoʼtan te Jehová»

Snupʼ te jaʼ jkʼaxel ya smukʼulin koʼtantik te Jehovae. Te bin ya skʼan ya yal te sbiile ya yakʼbeyxan yip te smukʼul koʼtantik te yuʼun-nix ya skʼotes ta pasel-a te bintik yaloje. Te skʼoponel Diose ya yakʼbeyxan yip te smukʼul koʼtantike. Te kapitulo 3 yuʼun Proverbios jamal ya yalbotik teme jaʼ ya smukʼulin koʼtantik te Jehovae, jaʼme ya stojobtes te beetik kuʼuntike.

¿Bin ya spas te machʼa pʼij ya skuy sbae?

3:5-7

  • Stukel ya snop te bin ya spase, maba ya sle tojobtesel yuʼun Jehová.

  • Jaʼ ya smukʼulin yoʼtan te bin ya snope sok te bin ya yalik te yantike.

¿Bin ya spas te machʼa ya smukʼulin yoʼtan te Jehovae?

  • Ya snop te Biblia, ya snopilan ta yoʼtan sok ya skʼopon Dios swenta ya xnoptsajxan ta stojol.

  • Ta swenta te bin ya sta ta nopele, ya yichʼ ta wenta te bin ya snop te Jehová kʼalal ya stʼun te bintik smelelil ya stojobtesotik ta Bibliae.

¿BIN-UTʼIL YA JTA TA NOPEL TE BIN YA JPASE?

NAIL ya jtsa te bin lek ta pasel ya jkuye.

NAIL ya jkʼanbey Jehová te yakuk stojobteson te kʼalal ya jkʼopone sok te kʼalal ya jnop ta jtukel te Bibliae.

PATIL ya jkʼanbey Jehová te lekuk ya yil te bin la jta ta nopele.

PATIL ya jtsa te bin ya jpas kʼalal kilojix-a te bintik smelelil ya stojobtesotik ta Bibliae.