Jama yuʼun ya x-ochat

Tsaa bin kʼopil

Ochan ta banti bintik jujunchajp yichʼoje

Baan ta sleojiʼbal

Ochan ta banti te bintik yichʼoje

sTestigotak te Jehová

tseltal

SJUNAL KAʼTELTIK TA SWENTA TSOBLEJ: JKUXLEJALTIK SOK KAʼTELTIK TA SWENTA DIOS OCTUBRE 2016

 KʼULEJALIL TE AY TA BIBLIA | PROVERBIOS 12-16

Jaʼ lekxan te pʼijil oʼtanil te bin-utʼil lekil oro

Jaʼ lekxan te pʼijil oʼtanil te bin-utʼil lekil oro
SJELBEYEL YELAW
Lokʼomba
Sjelbeyel yelaw

¿Bin yuʼun te jaʼ kʼax mukʼ skʼoplal te pʼijil oʼtanil yuʼun Diose? Te machʼa ay spʼijile jaʼ ya xkoltayot swenta maba ya stʼun te chopol bee sok ya x-akʼbot skuxlejal yuʼun. Ya xkoltayot swenta lek ta ilel te stalel, skʼop yaʼiyej sok te bintik ya spase.

Te pʼijil oʼtanil ya skoltayotik yuʼun maba ya jtoy jbatik

16:18, 19

  • Te machʼa pʼij yoʼtane snaʼoj ta lek te jaʼ ya yakʼ pʼijil oʼtanil te Jehovae.

  • Te machʼatik ay bin lek ya xlokʼ yuʼunik ta skuxlejalike o te machʼatik ya yichʼ yaʼtelik ya skʼan ya skanantay sbaik te manchuk ya xjajch stoy sbaike.

Te pʼijil oʼtanile ya xkoltaywan swenta lek ya xkʼopojotik

16:21-24

  • Te machʼa ay spʼijil yoʼtane ya snaʼ yilel te bin ay ta yoʼtan te yantike, jaʼ ya yil te bin lek ay yuʼunik sok lek ya xkʼopoj ta stojolik.

  • Te machʼa ay spʼijil yoʼtane maba tulan yoʼtan, ay yutsil te skʼop jich bitʼil te chab sok ya xkʼot ta koʼtantik te bin ya yale.