Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Noviembre yuʼun 2017

 KAKʼTIK TA ILEL TE JCHʼUUNEJTIK DIOSE

Lekubtesa te bin-utʼil ya achol te skʼop Diose: Pasa te schaʼulaʼtayel

Lekubtesa te bin-utʼil ya achol te skʼop Diose: Pasa te schaʼulaʼtayel

TE BIN YUʼUN TULAN SKʼOPLALE. Bayal ants winiketik ya smulanik te skʼop Diose jaʼ yuʼun yakik ta sleel te bin smelelil ta swenta te Diose (Is 55:6). Yame skʼan kulaʼtaytik bayal buelta swenta kʼunkʼun ya jnojptestik-a. Yanyantik-a te bin wokolil ay ta stojolike jaʼ yuʼun ya skʼan ya jeltik te bin-utʼil ya kakʼbeytik smulanik te skʼop Diose. Teme lek ya jchajpan jbatik sok teme kakʼoj ta koʼtantik te ya jkʼan jachtik jun nojptesel yuʼun Biblia jichme lekil jnojpteswanej ya xkʼootik-abi.

TE BIN-UTʼIL TA PASEL:

  • Pasa tulan yuʼun oranax ya sujtat te kʼalal mato kʼaxem bayal kʼajkʼal-ae (Mt 13:19).

  • Akʼa ta ilel slekil awoʼtan sok ichʼa ta wenta te ants winike soknix lamaluk awoʼtan.

  • Lekme xa akʼopon. Albeya te sbiile. Albeya te bin yuʼun te ya achaʼulaʼtaye: jaʼbal yuʼun te ya awakʼbey sujtib jun jojkʼoyele, yichʼbeyel bael te yachʼil revista, yalbeyel skʼoplal te pajina kuʼuntik ta Internet, yakʼbeyel yil jun video o yakʼbeyel yil te bin-utʼil ya kakʼtik te nojptesel yuʼun Biblia. Jaʼukmeto teme yan te bin ya skʼan ya snaʼbey skʼoplal te ants winike jela te bin anopoj ya acholbey yaʼiye (Flp 2:4).

  • Chaʼulaʼtaya te ants winiketik yuʼun ya awakʼbey yaʼlel kʼoem te bin la atsʼunbey jilel ta yoʼtan ta swenta jun texto yuʼun Biblia o sok te junetik kuʼuntik (1Co 3:6). Pasa tulan yuʼun lek ya awil-aba sok te ants winike.

  • Albeya jilel te bin ya acholbey skʼoplal te kʼalal ya awulaʼtay yan bueltae.