Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Noviembre yuʼun 00ok

 KʼULEJALIL TE AY TA BIBLIA | PROVERBIOS 27-31

Te Biblia ya yalbey skʼoplal te lekil antse

Te Biblia ya yalbey skʼoplal te lekil antse

Te kapitulo 31 yuʼun Proverbios ay bin mukʼ skʼoplal ya yalbey ta swenta te bin la yichʼ albeyel yuʼun smeʼ te ajwalil Lemuel. Te lekil tsitsel la yichʼ akʼbeyele koltayot ta sleel te bintik tʼujbil ay yuʼun te lekil inamile.

Te lekil inamile ay smukʼul oʼtanil ta stojol

31:10-12

  • Te kʼalal ay bin ya yichʼ tael ta nopel te ya x-akʼbot swokol te sfamiliae, te inamile ya x-ichʼawan ta mukʼ te kʼalal ya yal te bin ya snope sok ma jaʼuk jkʼaxel ya yakʼ ta pasel te bin ya yale.

  • Te mamlalile ay smukʼul yoʼtan ta stojol te yinam ta swenta te ya snaʼ snopel ta lek te bintik ya spase sok maba ya suj te yinam yuʼun ya xkʼanbot permiso yuʼun spisil te bintik ya spase.

Te lekil inamile ya x-aʼtej ta lek

31:13-27

  • Maba yanax slajinlan te stakʼine sok maba ya sle bayal sbiluk swenta spisil-ora sak skʼuʼ spakʼ te sfamilia, chapalik ta lek sok ya smakʼlin ta lek.

  • Tulan ya x-aʼtej sok ta kʼajkʼal ajkʼabal ya skanantay te sfamiliae.

Te lekil inamile tulan schʼuunel yoʼtan

31:30

  • Ya x-abatin ta stojol te Diose sok ya spas tulan yuʼun lek ya x-ilot yuʼun.