Te meʼil tatiletik te schʼuunejik Diose ya x-akʼbotik bayal stseʼelil yoʼtanik te kʼalal ya yilik te yal snichʼnabik te ya slokʼes sba ta yoʼtanike, te ya skuch steʼik sok te ma skom sbaik ta stʼunel te Jesuse (Mr 8:34; 3Jn 4). ¿Bin-utʼil ya xjuʼ ya skoltayik te yal snichʼnabik te meʼil tatiletik yuʼun ya stʼunik te Cristoe, te yakuk yakʼ sbaik ta stojol Jehová sok te yakuk yichʼik jaʼe? ¿Bintik-utʼil ya yakʼ ta ilel te alnichʼan te chapalix yuʼun ya spas ta skuxlejal te bin mukʼ skʼoplal jich bitʼil te ichʼjaʼe?

Kʼopona te seccion «Te bin ya yichʼ albeyel te meʼil tatiletik» ta pajina 4 sok 5 yuʼun te foyeto Baanik, otsesaik ta jnopojeletik te ants winiketik, akʼtiklanbeyaik yichʼik jaʼ. Ta patil ilbeya skʼoplal te jojkʼoyeletike:

  1. ¿Bin smakojbey skʼoplal te ya x-ochotik ta jnopojele?

  2. ¿Bin ya skʼan ya yakʼbey snop te yal snichʼnabik te meʼil tatiletike?

  3. Swenta ya jnaʼtik te chapalix yuʼun ya yichʼ jaʼ te tut kerem o tut achʼixe, ¿bin-utʼil ya yakʼ ta ilel te yak ta spasel tulan ta spasel ta skuxlejal te textoetik ini?