Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Marzo yuʼun 2017

 KAKʼTIK TA ILEL TE JCHʼUUNEJTIK DIOSE

Te bin-utʼil ta tuuntesel te foyeto Chʼama awaʼiy te bin ya yal te Diose

Te bin-utʼil ta tuuntesel te foyeto Chʼama awaʼiy te bin ya yal te Diose

Te foyeto Chʼama awaʼiy te bin ya yal te Diose, pasbil yuʼun ya kakʼtik ta nopel te bintik sjajchibal ta nopel ta Biblia ta swenta lokʼombaetik sok te machʼatik ma xkʼot lek ta yoʼtanik te bin ya skʼoponike. Te jujun leccion cheb pajina smakoj sok yichʼoj lokʼombaetik te tsabilik ta leke sok yichʼoj señail te bin-utʼil ta tʼunel te lokʼombaetike.

Te foyeto Chʼama awaʼiy te bin ya yal te Diose jichme ya xkuxinat ta sbajtʼel kʼinal pajal sok te lokʼombaetik yichʼoj te foyeto Chʼama awaʼiy te bin ya yal te Diose, jaʼnax yuʼun ay sparrafoil stukel. Te machʼatik ya snaʼik jtebuk skʼoponel te june ya xjuʼ ya anopik sok te foyeto ini. Te jcholkʼopetik jaʼ ya stuuntesikxan te foyeto ini, manchukme jaʼ ya stuuntes te foyeto Chʼama awaʼiy te bin ya yal te Diose te machʼa yak ta snopel te Bibliae. Ay pajinaetik te yichʼoj recuadro te ay bin ya yakʼxan ta nopele, ya xjuʼ ta ilbeyel skʼoplal jaʼ chikan te bantito ya xjuʼ yuʼun snopel te ants winike.

Te cheb foyeto ini ya xjuʼ ta japel ta spisil-ora. Te kʼalal ya xpʼijubteswanat tuuntesa te lokʼombaetik yuʼun ya achol te bin ya yal te Biblia. Pasa jojkʼoyeletik yuʼun jich ya xkʼopoj-euk te machʼa ya anojptese sok jich ya awil teme yak ta kʼoel ta yoʼtan te bin yak ta snopele. Kʼopona te textoetik te ay ta slajibal te jujun pajina sok cholbeya skʼoplal. Te kʼalal lajix awuʼunik-a te foyeto, nopaik te libro ¿Bin ya yakʼ ta nopel ta smelelil te Bibliae? jichme ya akoltay te machʼa yakat ta yakʼbeyel snop te Biblia yuʼun ya xchʼi ta swenta skʼop Dios jaʼto kʼalal ya yichʼ jaʼ.