Ochan ta banti te bintik yichʼoje

Ochan ta banti bintik jujunchajp yichʼoje

Baan ta sleojiʼbal

sTestigotak te Jehová

tseltal

Sjunal kaʼteltik ta swenta tsoblej: Jkuxlejaltik sok Kaʼteltik ta swenta Dios  |  Marzo yuʼun 00ok

 KʼULEJALIL TE AY TA BIBLIA | JOB 1-5

Te Job jun yoʼtan la yakʼ sba ta stojol Dios te kʼalal tal tsajel ta stojole

Te Job jun yoʼtan la yakʼ sba ta stojol Dios te kʼalal tal tsajel ta stojole

Te Job nain ta skʼinal Uz te kʼalal ay ta mosoil-a te israeletik ta Egiptoe. Manchukme maba israel winikuk jun yoʼtan la yichʼ ta mukʼ te Jehovae. Kʼax bayal machʼatik ay yuʼun sok bayal skʼulejal-a. Ichʼbil ta mukʼ ta slumal sok naʼbil sba jich bitʼil pʼijil winik sok te toj te bintik ya spase. Jaʼnix jich ay bintik la yakʼbey te pobreetik sok te machʼatik maʼyuk bin ay yuʼunike. Te Job jun yoʼtan la yakʼ sba ta stojol te Diose.

Te Job la yakʼ ta ilel ta skuxlejal te jaʼ kʼax bayalxan skʼoplal ta yoʼtan te Jehovae

1:8-11, 22; 2:2-5

  • Te Satanás la yil te jun yoʼtan sok te toj yoʼtan ta stojol Dios te Jobe. Maba la yal te ma schʼuun mantale, jaʼ la schebal kʼoptay te bin yuʼun te ya schʼuun mantale.

  • Te Satanás jamal la yal te jaʼnax yichʼoj ta mukʼ Dios te Job ta swenta te bin ya x-akʼbot yuʼune.

  • Swenta ya yichʼ akʼbeyel sujtib-abi, te Jehová la yakʼbey permiso te Satanás yuʼun ya yakʼbey swokol te Jobe, jich yuʼun la sjinbey spisil te skuxlejale.

  • Te bitʼil la yil Satanás te jun yoʼtan la yakʼ sba ta stojol Dios te Jobe, jich yuʼun la schebal kʼoptaybey te schʼuunel yoʼtan te yantik ants winiketike.

  • Te Job maʼyuk bin chopol la yal sok maba la yakʼbey smulin Dios te swokole.